ఉత్తమ పర్యావరణ వీడియోలకు ఆహ్వానం: పీసీబీ

ఈనాడు, హైదరాబాద్‌: పర్యావరణ పరిరక్షణకు సంబంధించిన వీడియోలను పంపాలని కాలుష్య నియంత్రణ మండలి (పీసీబీ) కోరింది. వీటిలో ఉత్తమ వీడియోలను పీసీబీ యూట్యూబ్‌ ఛానల్‌లో ప్రసారం చేస్తామని తెలిపింది. ప్రసారమైన ఒక్కో వీడియోకు రూ.7,500 రివార్డు ఇస్తామని వెల్లడించింది. పర్యావరణ పరిరక్షణపై ప్రజల్లో అవగాహన పెంచేందుకు యూట్యూబ్‌ ఛానల్‌ ప్రారంభించినట్లు వివరించింది. వ్యక్తులు, స్వచ్ఛంద సంస్థలు, పరిశ్రమలు.. కాలుష్య నియంత్రణలో, వ్యర్థాల నిర్వహణలో తాము అనుసరిస్తున్న ఉత్తమ పర్యావరణ పద్ధతులను షార్ట్‌ వీడియో ఫిల్మ్‌లుగా పంపించాలని ఆహ్వానించింది. పూర్తి వివరాలకు 9177303127 ఫోన్‌ నంబర్లను సంప్రదించాలని పీసీబీ సూచించింది.