IND vs AUS: జడేజా అదరహో.. టీమ్ఇండియా ఘన విజయం

ఆస్ట్రేలియాతో జరిగిన రెండో వన్డేలో టీమ్‌ఇండియా 99 పరుగుల తేడాతో విజయం సాధించి మూడు వన్డేల సిరీస్‌ను ఒక మ్యాచ్‌ మిగిలుండగానే కైవసం చేసుకుంది. తొలుత బ్యాటింగ్‌ చేసిన భారత్ నిర్ణీత 50 ఓవర్లలో 5 వికెట్ల నష్టానికి 399 పరుగులు చేసింది. వర్షం కారణంగా ఆసీస్‌ ఇన్నింగ్స్‌ను 33 ఓవర్లకు కుదించి 317 పరుగులు లక్ష్యంగా నిర్దేశించారు. ఈ లక్ష్యఛేదనలో ఆసీస్‌ 28.2 ఓవర్లలో 217 పరుగులకు ఆలౌటైంది. ఆల్‌రౌండర్ జడేజా మూడు వికెట్లు పడగొట్టాడు. అలెక్స్‌ కెరీ (14), ఆడమ్ జంపా (5), సీన్ అబాట్ (54) లను క్లీన్‌బౌల్డ్ చేశాడు.