Free Photoshoot: ఫ్రీగా ఫొటోషూట్‌

గర్భం దాల్చింది మొదలు పిల్లలు పెరిగి పెద్ద వాళ్లయ్యే వరకూ- రకరకాల సందర్భాల్లో ఫొటోషూట్లు చేయడం మనకు తెలిసిందే. ఆ తీపి జ్ఞాపకాలను భద్రపరుచుకోవడానికి ఎంత ఖర్చైనా సరే వెనకాడట్లేదు చాలామంది తల్లిదండ్రులు. అయితే అలాంటి ఫొటోషూట్లను(Free Photoshoot) ఉచితంగా చేసి పెట్టడానికి ముందుకొచ్చింది ఓ ఆసుపత్రి. అదేంటీ ఫొటోషూట్‌ చేయాల్సింది ఫొటోగ్రాఫర్లుగానీ డాక్టర్లు కాదుగా అని సందేహం రావచ్చు. ఫొటోలు తీసేది ఫొటోగ్రాఫర్లే అయినా ఆ ఏర్పాట్లు చేసేది మాత్రం హాస్పిటలే. ఈ వినూత్న ప్రయత్నం చేస్తోంది మరెవరో కాదు బెంగళూరులోని రాధాకృష్ణా మల్టీ స్పెషాలిటీ హాస్పిటల్‌. తమ ఆసుపత్రికి ప్రచారం కల్పించుకోవడంలో భాగంగా రకరకాల ప్రకటనలు ఇస్తుంటారు.
రాయితీలు ప్రకటిస్తుంటారు. ఈ ఆసుపత్రి మాత్రం గర్భిణులకు ఉచితంగా- మెటర్నిటీషూట్‌తోపాటు, బిడ్డ భూమ్మీదకు వచ్చిన అపురూప క్షణాలను సైతం ఫొటో- వీడియో షూట్‌ చేసి పెడుతోంది. మాతృమూర్తుల్ని ఆకట్టుకోవడానికి భలే ఆఫరిచ్చారు కదూ!