లండన్‌లో శకపురుషునికి శతజయంతి నీరాజనం

ఈనాడు, అమరావతి: లండన్‌లో ఎన్టీఆర్‌ శతజయంతి ఉత్సవాలను ఆదివారం ఘనంగా నిర్వహించారు. ఎన్నారై తెదేపా (యూకే టీమ్‌) ఆధ్వర్యంలో తెదేపా యూకే అధ్యక్షుడు వేణుమాధవ్‌ పోపూరి ఆధ్వర్యంలో ఎన్టీఆర్‌ జీవిత విశేషాలతో వేడుకలు నిర్వహించారు. నందమూరి విగ్రహావిష్కరణతో పాటు 100 అడుగుల కేక్‌ కట్‌ చేశారు. పలువురు ప్రముఖులు పాల్గొని నందమూరి తారక రామారావుతో తమ అనుబంధాన్ని వివరించారు. ఈ కార్యక్రమానికి రత్నశ్రీ ఉప్పాల వ్యాఖ్యాతగా వ్యవహరించారు. అనంతరం తెలుగు రుచులతో భోజనాలు వడ్డించారు. ఈ సందర్భంగా నిర్వహించిన పంజాబీ డోలే నృత్యాలు, 100 ఆకారంలో మానవహారం ప్రధాన ఆకర్షణగా నిలిచాయి.