1600వ రోజుకు చేరిన అమరావతి ఉద్యమం

తుళ్లూరు, న్యూస్‌టుడే: రాష్ట్రంలో వైకాపా అరాచక పాలన అంతమై.. ఆంధ్రుల స్వర్ణాంధ్ర కల సాకారమవ్వాలని రాజధాని రైతులు ఆకాంక్షించారు. గడిచిన ఐదేళ్లలో అమరావతితో పాటు రాష్ట్రాన్ని సర్వనాశనం చేశారని ఆగ్రహం వ్యక్తం చేశారు. తెలుగువారి ఆత్మ గౌరవం నిలిచేలా గత ప్రభుత్వంలో తెదేపా అధినేత చంద్రబాబు అమరావతికి శ్రీకారం చుడితే.. ఆయనపై పగతో జగన్‌ విధ్వంసం సృష్టించారని మండిపడ్డారు. అమరావతి ఉద్యమం 1600రోజుకు చేరుకున్న సందర్భంగా శనివారం రాజధాని గ్రామాల్లో అన్నదాతలు ప్రత్యేక నిరసన కార్యక్రమాలు నిర్వహించారు. మందడంలో గ్రామ దేవత పోలేరమ్మ ఆలయంలో ప్రత్యేక పూజలు చేశారు.