EPF: పనిచేయని పీఎఫ్‌ ఖాతాల్లో రూ.4,962 కోట్లు

దిల్లీ: ఉద్యోగుల భవిష్య నిధి పథకం కింద నమోదైన ఖాతాల్లో ఇన్‌యాక్టివ్ స్థితిలో ఉన్న వాటిలో పెద్ద ఎత్తున నిధులు పేరుకుపోయాయని కేంద్ర కార్మికశాఖ మంత్రి రామేశ్వర్‌ తేలి తెలిపారు. అలా 2022 మార్చి 31 నాటికి దాదాపు రూ.4,927.7 కోట్లు పోగుపడ్డాయని లోక్‌సభలో ఓ ప్రశ్నకు బదులిస్తూ వెల్లడించారు. అయితే, ఇన్‌యాక్టివ్‌  ఖాతాలన్నింటికీ కచ్చితమైన హక్కుదారులున్నారని పేర్కొన్నారు.

ఈపీఎఫ్‌ కింద నమోదైన ఉద్యోగులు తమ వేతనంలో 12 శాతాన్ని పీఎఫ్‌ ఖాతాకు బదిలీ చేయాల్సి ఉంటుంది. ఒక వేళ ఈ ఖాతాల్లో వరుసగా 36 నెల పాటు ఎలాంటి జమలు లేకపోతే.. వాటిని ఇన్‌యాక్టివ్‌ ఖాతాలుగా పరిగణిస్తారు. పనిచేసే కంపెనీ నుంచి నిష్క్రమించిన తర్వాత మూడేళ్ల వరకు నిధులను ఉపసంహరించుకోకపోయినా.. ఆ ఖాతాలను కూడా ఇన్‌యాక్టివ్‌గా గుర్తిస్తారు. అయితే, ఖాతాల్లో ఉండే నిధులకు మాత్రం వడ్డీ జమవుతూనే ఉంటుంది.