మాడుగులను అగ్రగామిగా నిలుపుతా

బండారు సత్యనారాయణమూర్తికి హారతులు

చీడికాడ, న్యూస్‌టుడే: మాడుగుల నియోజకవర్గాన్ని అభివృద్ధిలో అగ్రగామిగా నిలుపుతానని కూటమి అభ్యర్థి బండారు సత్యనారాయణమూర్తి పేర్కొన్నారు. వైకాపా పాలనలో నిరాదరణకు గురైన వ్యవసాయం, సాగునీటి రంగాలపై ప్రత్యేకంగా దృష్టిసారిస్తానని హామీ ఇచ్చారు. ఎన్నికల ప్రచారంలో భాగంగా మంగళవారం అడవి అగ్రహారం, తునివలస, వింటిపాలెం, దండిసురవరం గ్రామాల్లో మాజీ ఎమ్మెల్యే గవిరెడ్డి రామానాయుడితో కలిసి ప్రచారం చేశారు. ఉపాధి హామీ పనులు చేస్తున్న కూలీల వద్దకు వెళ్లి వారి సమస్యలు తెలుసుకున్నారు. సీఎం రమేశ్‌ సోదరుడు సురేశ్‌, తెదేపా, జనసేన, భాజపా నాయకులు, కార్యకర్తలు పాల్గొన్నారు.