19న చంద్రబాబు ఎన్నికల ప్రచార సభ

కణేకల్లు క్రాస్‌ వద్ద హెలిప్యాడ్‌ కోసం స్థలాన్ని పరిశీలిస్తున్న కాలవ శ్రీనివాసులు, నాయకులు

కణేకల్లు, న్యూస్‌టుడే: కణేకల్లులో ఈనెల 19న సాయంత్రం తెదేపా జాతీయ అధ్యక్షుడు చంద్రబాబునాయుడు ఆధ్వర్యంలో జరిగే ఎన్నికల ప్రచార సభను విజయవంతం చేయాలని మాజీ మంత్రి కాలవ శ్రీనివాసులు పిలుపునిచ్చారు. బుధవారం సాయంత్రం కణేకల్లు క్రాస్‌లో హెలీప్యాడ్‌ కోసం స్థలం పరిశీలించారు. ఆ రోజు కణేకల్లులో బహిరంగ సభ, రోడ్డు షో ఉంటుందని వారు తెలిపారు.  కణేకల్లు, డి.హీరేహాళ్‌ మండల కన్వీనర్లు లాలెప్ప, హనుమంతరెడ్డి, నాయకులు ఆనందరాజు, ఆది, బసవరాజు, చంద్రశేఖర్‌ గుప్తా, చాంద్‌, బీటీ రమేశ్‌, మహ్మద్‌, నాగరాజు, ఈరప్ప, ప్రభాకర్‌ తదితరులు పాల్గొన్నారు.