అభినయ్‌ ఓటమి ఖాయం: పవన్‌ కల్యాణ్‌

పవన్‌ కల్యాణ్‌ నుంచి బి-ఫారం అందుకుంటున్న ఆరణి శ్రీనివాసులు

తిరుపతి (బైరాగిపట్టెడ), న్యూస్‌టుడే: జనసేన అధినేత పవన్‌ కల్యాణ్‌ బుధవారం మంగళగిరిలోని కార్యాలయంలో ఆ పార్టీ అభ్యర్థులకు బి-ఫారాలు అందించారు. ఎన్డీయే తిరుపతి అభ్యర్థి ఆరణి శ్రీనివాసులు అందులో ఉన్నారు. ఈ సందర్భంగా పవన్‌ కల్యాణ్‌ మాట్లాడుతూ తిరుపతిలో కొండను దోచేసిన తండ్రిని, కార్పొరేషన్‌లో నిధులను ఖాళీ చేసిన కొడుకును ప్రజలు ఎట్టి పరిస్థితుల్లో సమర్థించరని, అభినయ్‌ ఓటమిని ప్రజలు కోరుకుంటున్నారని చెప్పారు. వైకాపా ఘోరపరాజయం మూటకట్టుకోవడం ఖాయమని పేర్కొన్నారు.