పేదల సమస్యలపై పోరాడిన పుచ్చలపల్లి

సుందరయ్య చిత్రపటం వద్ద నివాళులర్పిస్తున్న నాయకులు

లాడ్జిసెంటర్‌, న్యూస్‌టుడే : పుచ్చలపల్లి సుందరయ్య ఆశయాలు, లక్ష్యాలను ముందుకు తీసుకువెళ్లడమే ఆయనకు ఇచ్చే నిజమైన నివాళి అని సీపీఎం జిల్లా కార్యదర్శి పాశం రామారావు అన్నారు. సుందరయ్య వర్ధంతి సందర్భంగా గురువారం సీపీఎం జిల్లా కార్యాలయంలో సంస్మరణ కార్యక్రమం నిర్వహించారు. ఈ సందర్భంగా రామారావు మాట్లాడుతూ సుందరయ్య భూస్వామ్య కుటుంబంలో జన్మించి, పేదల సమస్యలపై పోరాటాలు చేశారన్నారు. పార్లమెంటు సభ్యుడిగా, శాసనసభ్యుడిగా ప్రజా సమస్యల పరిష్కారానికి కృషి చేశారన్నారు. కమ్యూనిస్టు ఉద్యమంలో వచ్చిన అతివాద, మితవాద, విచ్ఛిన్నకర పోకడలకు వ్యతిరేకంగా పోరాడి సీపీఎం అభివృద్ధికి కృషి చేశారన్నారు. కార్యక్రమంలో ఉపాధ్యాయ రంగం జిల్లా కార్యదర్శి ఎమ్‌.కళాధర్‌, సీపీఎం నాయకులు బి.శ్రీనివాసరావు, చిస్టీ, వై.కృష్ణకాంత్‌, కల్యాణి, శంకర్‌, షకీలబేగం, ఆదినారాయణ తదితరలు పాల్గొన్నారు