వరికే ప్రాధాన్యం
రానున్న వర్షాకాలంలో నైరుతి రుతుపవనాలు ఆశాజనకంగా ఉంటాయనే వాతావరణ శాఖ సమాచారంతో అన్నదాతల్లో హర్షం వ్యక్తమవుతోంది. ఈ ఏడాది సైతం సమృద్ధిగా వానలు పడితే జలాశయాలు నిండి పూర్తి స్థాయిలో ఆయకట్టుకు నీరివ్వొచ్చనే అంచనాలతో వ్యవసాయశాఖ ప్రణాళిక సిద్ధం చేస్తోంది.
5.52 లక్షల ఎకరాల్లో పంటలు
వానాకాలం ప్రణాళిక ఖరారు చేసిన వ్యవసాయశాఖ
న్యూస్టుడే, నిజామాబాద్ వ్యవసాయం: రానున్న వర్షాకాలంలో నైరుతి రుతుపవనాలు ఆశాజనకంగా ఉంటాయనే వాతావరణ శాఖ సమాచారంతో అన్నదాతల్లో హర్షం వ్యక్తమవుతోంది. ఈ ఏడాది సైతం సమృద్ధిగా వానలు పడితే జలాశయాలు నిండి పూర్తి స్థాయిలో ఆయకట్టుకు నీరివ్వొచ్చనే అంచనాలతో వ్యవసాయశాఖ ప్రణాళిక సిద్ధం చేస్తోంది. గతేడాది సాగు విస్తీర్ణాన్ని పరిగణనలోకి తీసుకుంటూ ఈ సారి ఏ పంట ఏ మేరకు సాగవుతుందనే దానిపై తాజాగా జిల్లా వ్యవసాయశాఖ వానాకాలం ప్రణాళిక విడుదల చేసింది. ఏయే పంటలకు ఎన్ని విత్తనాలు, ఎరువులు అవసరమో ప్రతిపాదనలు తయారు చేసినట్లు వెల్లడించింది.
గతేడాది కంటే మెరుగ్గానే..
2023 వానాకాలం కంటే ఈ సారి కాస్త సాగు పెరుగుతుందని వ్యవసాయ అధికారులు భావిస్తున్నారు. ముఖ్యంగా వానాకాలంంలో అత్యధికంగా వరికే రైతులు ప్రాధాన్యం ఇస్తారని అంచనా వేస్తున్నారు. మొత్తం సాగులో ఇది ఒక్కటే 78 శాతం ఉంటుందని చెబుతున్నారు. ఇందుకు 1,29,165 క్వింటాళ్ల విత్తనం అవసరమని ప్రతిపాదించారు. రాష్ట్ర విత్తనాభివృద్ధి సంస్థ (టీఎస్ సీడ్స్ కార్పొరేషన్) వద్ద అవసరమైన నిల్వలున్నట్లు గుర్తించారు. అలాగే ప్రైవేటు విత్తన కంపెనీలు సైతం సరిపడా ఇచ్చేందుకు ముందుకొస్తున్నాయి.
ఆరుతడి అంతంతే!
జిల్లావ్యాప్తంగా ఆరుతడి పంటల సాగు అంతంతే ఉండబోతుందని అధికారులు చెబుతున్నారు. మార్కెట్లో పసుపు, సోయా, మొక్కజొన్న పంటలకు మంచి గిట్టుబాటు ధర ఉన్నప్పటికీ గతంలో మాదిరిగా సాగు ఉండకపోవచ్చని అంచనా వేస్తున్నారు. పత్తి, పప్పుదినుసులు నామమాత్రంగానే వేయనున్నారు. నీటి వనరులు సరిపోకుంటేనే ఆరుతడి పెరిగే వీలుంటుంది. గతంలో లక్షల ఎకరాల్లో సాగయ్యే సోయాబీన్ 50 వేల ఎకరాలకు మించే పరిస్థితి లేదు. మక్క 42 వేల ఎకరాలు, పసుపు 20 వేల ఎకరాలకే పరిమితమవుతుందని భావిస్తున్నారు.
పచ్చిరొట్ట ఎరువులకు ప్రతిపాదన
వానాకాలంలో 1.33 లక్షల ఎకరాలకు 16 వేల క్వింటాళ్లు, జనుము 1,562 ఎకరాలకు 250 క్వింటాళ్ల విత్తనం సమకూర్చాలని చూస్తున్నారు. వీటిని టీఎస్ సీడ్స్ ద్వారా పంపిణీ చేసేందుకు చర్యలు తీసుకుంటున్నారు. 15,443 క్వింటాళ్ల సోయా విత్తనం కావాల్సి ఉంది. ఈ సారి కూడా ప్రైవేటు కంపెనీలపైనే ఆధారపడాల్సిందే.
ఇబ్బందులు లేకుండా చర్యలు
వాజీద్ హుస్సేన్, జిల్లా వ్యవసాయాధికారి
వచ్చే వానల ఆధారంగానే సాగు విస్తీర్ణం ఉంటుంది. ఈసారి గత వానాకాలం మాదిరిగానే సేద్యం ఉంటుంది. అందుకు సరిపడా విత్తనాలు, ఎరువుల కోసం ప్రతిపాదనలు సిద్ధం చేస్తున్నాం. రైతులకు ఎలాంటి ఇబ్బందులు రాకుండా చర్యలు తీసుకుంటున్నాం. నకిలీ విత్తనాలు, ఎరువులు మార్కెట్లోకి రాకుండా నిఘా వ్యవస్థ ఏర్పాటు చేస్తున్నాం. సీజన్ ప్రారంభం కాగానే టాస్క్ఫోర్స్ బృందాలు రంగంలోకి దిగుతాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఇందూరులోనే పసుపు బోర్డు..
[ 06-05-2024]
కేంద్రం పసుపు బోర్డు ఏర్పాటు కోసం ఇప్పటికే ఉత్తర్వులు జారీ చేసిందని.. ఎంపీ ధర్మపురి అర్వింద్ కృషి వల్లే ఇది సాధ్యమైందని కేంద్ర హోంమంత్రి అమిత్ షా పేర్కొన్నారు. ఏళ్లుగా ఇక్కడి రైతుల డిమాండ్గా ఉన్న బోర్డును సాధించటం కోసం మోదీ వెంటపడి సాధించారన్నారు. -
దారి పొడవునా గులాబీ దండు!
[ 06-05-2024]
భారాస అధినేత బస్సు యాత్రతో గులాబీ దండులో జోష్ నెలకొంది. కరీంనగర్, జగిత్యాల జిల్లాల్లో కొనసాగిన యాత్రకు అపూర్వ స్పందన లభించింది. వీణవంక నుంచి జగిత్యాల వరకు దారి పొడువునా జనాలు, కార్యకర్తలు ఘన స్వాగతం పలికారు. -
ఆదిలోనే ఆశాభంగం
[ 06-05-2024]
నిజామాబాద్ వ్యవసాయ మార్కెట్ను నమ్ముకొని వచ్చే ఆమ్చూర్ రైతులకు ఈ సారి ఆశాభంగం తప్పడం లేదు. గతేడాది ఊరించిన ధరలు ఈసారి అడియాసలయ్యాయి. ఇప్పుడిప్పుడే పంట యార్డుకు వస్తోంది. క్వింటా ధర సగటున రూ.20 వేలకు చేరుకోవడం లేదు. -
భారాస అధినేత కేసీఆర్ ప్రచారం నేడు
[ 06-05-2024]
పార్లమెంటు ఎన్నికల్లో భాగంగా భారాస వ్యవస్థాపక అధ్యక్షుడు, మాజీ సీఎం కేసీఆర్ సోమవారం నిజామాబాద్ జిల్లాకు వస్తున్నట్లు మాజీ మంత్రి, బాల్కొండ ఎమ్మెల్యే వేముల ప్రశాంత్రెడ్డి వెల్లడించారు. -
ఎవరి ధీమా వారిదే..!
[ 06-05-2024]
పోలింగ్కు గడువు సమీపిస్తుండడంతో ప్రధాన పార్టీలు ప్రచారంలో వేగం పెంచాయి. రాజకీయ పార్టీల నేతలు బూత్స్థాయిలో కమిటీలు ఏర్పాటు చేసి ఓటర్ల చెంతకు వెళ్తున్నారు. లోక్సభ స్థానం పరిధిలో ఏడు అసెంబ్లీ నియోజకవర్గాలుండగా.. కామారెడ్డిపై భారాస, కాంగ్రెస్, భాజపా ప్రత్యేక దృష్టి సారించి ప్రచారం సాగిస్తున్న తీరు ఆసక్తిని రేకెత్తిస్తోంది. -
లెక్క తప్పారు..!
[ 06-05-2024]
ఇటీవల విడుదలైన పదో తరగతి ఫలితాల్లో ఆయా సబ్జెక్టుల్లో 1303 మంది విద్యార్థులు అనుత్తీర్ణులయ్యారు. 11,926 మంది పరీక్షలు రాయగా 11,057 ఉత్తీర్ణులయ్యారు. 92.71 శాతం ఫలితాలు నమోదయ్యాయి. -
తుది అంకానికి ఎన్నికల ప్రక్రియ
[ 06-05-2024]
జహీరాబాద్ లోక్సభ ఎన్నికల ప్రక్రియ తుది అంకానికి చేరింది. మూడు జిల్లాల అధికారులు అహర్నిశలుగా శ్రమిస్తుండడంతో ఏర్పాట్లు చకచకా పూర్తవుతున్నాయి. లోక్సభ పరిధిలో ఈ నెల 13వ తేదీన నిర్వహించే పోలింగ్ ప్రక్రియ కోసం ఓటర్లకు చీటీల పంపిణీ కార్యక్రమాన్ని ముమ్మరం చేశారు. -
సార్వత్రిక సమరం.. యువోత్సాహం
[ 06-05-2024]
ఓటు.. రాజ్యాంగం కల్పించిన హక్కు. పద్దెనిమిదేళ్లు నిండిన వారంతా పొందవచ్చు. ఎన్నికల్లో నచ్చిన వ్యక్తిని ఎన్నుకోవచ్చు. చట్టసభలకు పంపవచ్చు. సమర్థ పాలనకు పట్టం కట్టవచ్చు. ఈ విషయమై యువతీయువకుల్లో చైతన్యం పెరిగింది. -
ప్రమాదంలో పౌర హక్కులు
[ 06-05-2024]
దేశంలో పదేళ్లుగా పౌర హక్కులు ప్రమాదంలో పడ్డాయని పౌర హక్కుల సంఘం రాష్ట్ర అధ్యక్షుడు, ప్రొఫెసర్ గడ్డం లక్ష్మణ్ పేర్కొన్నారు. ఆదివారం ప్రెస్క్లబ్లో మువ్వా నాగేశ్వరరావు సంస్మరణ సభ నిర్వహించారు. -
మత్తు పదార్థం పట్టివేత.. నలుగురి అరెస్టు
[ 06-05-2024]
నిషేధిత మత్తు పదార్థం అల్ఫ్రాజోలం సరఫరా చేస్తున్న నలుగురిని భిక్కనూరు పోలీసులు అరెస్టు చేసి జైలుకు పంపారు. ఆదివారం భిక్కనూరు సీఐ సంపత్ తెలిపిన వివరాల ప్రకారం.. శనివారం సాయంత్రం పెద్దమల్లారెడ్డి శివారులో కారులో అక్రమంగా మత్తు పదార్థాలు తరలిస్తున్నారనే సమాచారంతో పోలీసులు మాటువేసి ముగ్గురిని పట్టుకున్నారు. -
తగ్గని భానుడి ప్రతాపం
[ 06-05-2024]
జిల్లాలో భానుడి ప్రతాపం కొనసాగుతోంది. వరుసగా పగటిపూట ఎండలు దంచికొడుతున్నాయి. ఆదివారం గరిష్ఠంగా నిజామాబాద్ ఉత్తరంలో 46.2 డిగ్రీల ఉష్ణోగ్రత నమోదైంది. ఇందూరు నగరం రెడ్జోన్లోకి వెళ్లింది. ఇక్కడ కనిష్ఠ ఉష్ణోగ్రత సైతం రికార్డు స్థాయిలో 36.1 డిగ్రీలు ఉండటం గమనార్హం. -
‘నాకు మద్దతివ్వండి’
[ 06-05-2024]
జహీరాబాద్ లోక్సభ భారాస అభ్యర్థి గాలి అనిల్కుమార్ను బాన్సువాడలో ఆదివారం మున్నూరుకాపు సంఘం నాయకులు కలిశారు. అనిల్కుమార్ మాట్లాడుతూ తాను మున్నూరుకాపు సామాజికవర్గానికి చెందినవాడినని, ఎన్నికల్లో మద్దతు ఇవ్వాలని కోరారు. -
‘పథకాలే భాజపాను గెలిపిస్తాయి’
[ 06-05-2024]
జహీరాబాద్ పార్లమెంట్లో భాజపా గెలుపు ఖాయమని కామారెడ్డి ఎమ్మెల్యే వెంకటరమణారెడ్డి పేర్కొన్నారు. మాచారెడ్డి, పల్వంచ మండలాల్లో భాజపా కార్యకర్తలతో ఆత్మీయ సమ్మేళనం కార్యక్రమాన్ని ఆదివారం నిర్వహించారు. -
‘కాంగ్రెస్తోనే ప్రజా సంక్షేమం’
[ 06-05-2024]
ఖేడ్ నియోజకవర్గంలోని పలు గ్రామాలకు చెందిన భారాస నాయకులు, కార్యకర్తలు ఆదివారం ఖేడ్లో కాంగ్రెస్ అభ్యర్థి సురేష్ షెట్కార్ సమక్షంలో కాంగ్రెస్లో చేరారు. మనూరు మండలం తిమ్మాపూర్కు చెందిన తాజా మాజీ ఉప సర్పంచి నర్సింహులు ముదిరాజ్, శంకర్నాయక్ తండాకు చెందిన మాజీ సర్పంచి కిషన్నాయక్తో పాటు పలువురు హస్తం గూటికి చేరారు. -
అటవీ ప్రాంతంలో కాలిన మృతదేహం లభ్యం
[ 06-05-2024]
రూరల్ ఠాణా పరిధి మల్లారం అటవీ ప్రాంతంలో కాలిన మృతదేహం లభ్యమైంది. స్థానికులు తెలిపిన వివరాల ప్రకారం.. ఆదిలాబాద్ జిల్లా నేరడిగొండ ఠాణాలో కొన్ని రోజుల కింద గంగయ్య(40) అనే వ్యక్తి అదృశ్యమైనట్లు కేసు నమోదు అయ్యింది.
తాజా వార్తలు (Latest News)
-
పెళ్లైన నాలుగు రోజులకే.. నవ వధువును ఇంటికి పంపిన వరుడు
-
జగనాసురుడి భూదందా... జనం ఆస్తులు గోవిందా..!
-
ఏ ఒత్తిడీ మమ్మల్ని ఆపలేదు.. ఒంటరిగా వెళ్లడానికైనా సిద్ధం: నెతన్యాహు
-
‘కాళేశ్వరం’ విచారణలో ఇక నోటీసులు!
-
జ్వరం బారిన ప్లేయర్లు.. ఎవరు ఆడతారో తెలియలేదు: రుతురాజ్
-
కుమారుడిపై మరుగుతున్న నూనె పోసి హతమార్చిన తల్లి, పెద్దమ్మ