గడప గడపకు కాంగ్రెస్

నాగిరెడ్డిపేట: మండల కేంద్రంలో స్థానిక ఎమ్మెల్యే మదన్మోహన్ రావు ఆదేశాల మేరకు కాంగ్రెస్ పార్టీ జహీరాబాద్ పార్లమెంట్ అభ్యర్థి సురేష్ షెత్కర్‌ను భారీ మెజార్టీతో గెలిపించాలని కాంగ్రెస్‌ నాయకులు శనివారం ఇంటింట ప్రచారం నిర్వహించారు. ఈ సందర్భంగా ఆరు గ్యారంటీలు ప్రజలకు లబ్ధి చేకూర్చాయని, కాంగ్రెస్‌కు ఓటు వేసి గెలిపిస్తే మరిన్ని సంక్షేమ పథకాలు అందుబాటులోకి వస్తాయని వారు తెలిపారు. ఈ కార్యక్రమంలో కాంగ్రెస్ పార్టీ మండల ఉపాధ్యక్షుడు లక్ష్మణ్ ఠాగూర్, నాగిరెడ్డిపేట్ విలేజ్ ప్రెసిడెంట్ మన్నె వెంకట్, వైస్ ప్రెసిడెంట్ సాయి గౌడ్, శ్రీనివాస్ గౌడ్, సీనియర్ నాయకులు, కార్యకర్తలు పాల్గొన్నారు.