వైభవంగా వేల్పులవీధి సారె సమర్పణ

అనకాపల్లి పట్టణం, న్యూస్‌టుడే: ఉత్తరాంధ్రలో ప్రసిద్ధి చెందిన వేల్పులవీధి గౌరీ పరమేశ్వరుల సారె ఊరేగింపు గురువారం ఘనంగా జరిగింది. వివిధ రకాల పిండి వంటకాలతో ఊరేగింపు నిర్వహించారు. 83వ వార్డు కార్పొరేటర్‌ జాజుల ప్రసన్నలక్ష్మి ఈ కార్యక్రమాన్ని ప్రారంభించారు. ఈనెల 22న జరగనున్న జాతరలో భాగంగా అమ్మవారికి సారె సమర్పించారు. తొలుత రామాలయం వద్ద మహిళలు తయారుచేసిన పిండి వంటకాలను ఉంచారు. అక్కడి నుంచి పురవీధుల్లో ఊరేగింపుగా తీసుకెళ్లారు. ఉత్సవ కమిటీ అధ్యక్షులు బొద్దపు ప్రసాద్‌, కార్యదర్శి యడ్ల గోవింద, ఉపాధ్యక్షులు రౌతు సతీష్‌, రవిశంకర్‌, సహాయ కార్యదర్శులు మద్దాల చిరంజీవి, రమణ తదితరులు పాల్గొన్నారు.