పోలీసుల విస్తృత తనిఖీ

వాహనదారులను తనిఖీ చేస్తున్న పోలీసు సిబ్బంది

ఎం.వి.పి.కాలనీ, న్యూస్‌టుడే : పోలీసు కమిషనర్‌ శ్రీకాంత్‌ ఆదేశాల మేరకు నేర నియంత్రణలో భాగంగా రాత్రి సమయంలో వాహనాలను విస్తృతంగా తనిఖీలు నిర్వహించారు. శాంతిభద్రతలు, క్రైమ్‌, మొబైల్‌ పోలీసు సిబ్బంది రాత్రి సమయంలో సుమారు 255 వాహనాలను తనిఖీలు జరిపారు. మద్యం తాగి వాహనాలు నడుపుతున్న 27 మందిపై కేసులు నమోదు చేశారు. నిబంధనలు పాటించని 210 ఆటో డ్రైవర్లపై, మోటారు వాహన చట్టం నిబంధనలు ఉల్లంఘించిన వారిపై 1451 కేసులు నమోదు చేశారు. రెండో పట్టణ పోలీసుస్టేషన్‌ పరిధిలో ఒకరిని అరెస్టు చేసి అతని నుంచి 1.7 కిలోల గంజాయి, ఎంవీపీ స్టేషన్‌ పరిధిలో ఒకరిని అరెస్టు చేసి రెండు కిలోల గంజాయిని స్వాధీనం చేసుకున్నారు.