జాతీయ తైక్వాండో పోటీలకు ఐదుగురి ఎంపిక

పోటీలకు ఎంపికైన క్రీడాకారులతో కోచ్‌

ఎలమంచిలి, న్యూస్‌టుడే: జాతీయ స్థాయి తైక్వాండో పోటీలకు ఎలమంచిలికి చెందిన ఐదుగురు క్రీడాకారులు ఎంపికయ్యారు.  స్కూల్‌గేమ్స్‌ జాతీయ పోటీలకు యు.జయశ్రీ, రొట్ట పల్లవి, ఎల్‌.లహరిలు ఎంపికయ్యారు. గత ఏడాది డిసెంబరులో కడప జిల్లా రైల్వేకోడూరులో జరిగిన రాష్ట్ర స్థాయి పోటీల్లో వీరు ముగ్గురు బంగారు పతకాలు సాధించారు. ఈనెల 8 నుంచి 10 వరకూ డెహ్రాడూన్‌లో తైక్వాండో ఫెడరేషన్‌ ఆఫ్‌ ఇండియా నిర్వహించే  ఛాంపియన్‌షిప్‌ పోటీల్లో గొల్లవిల్లి విజయ్‌కుమార్‌, తుంపాల శ్వేత, పాల్గొంటారన్నారు. ఈ ఏడాది ఫిబ్రవరి నెలలో కాకినాడలో జరిగిన రాష్ట్రస్థాయి పోటీల్లో వీరు బంగారు పతకాలు సాధించి ఈ ఇద్దరు జాతీయ స్థాయికి ఎంపికయ్యారన్నారు. వీరి ఎంపిక పట్ల అకాడమీ ఫౌండర్‌ నగిరెడ్డి సత్యనారాయణ, అసోసియేషన్‌ ప్రధాన కార్యదర్శి పి.అచ్యుతరెడ్డి, సహయ కార్యదర్శి వేణుగోపాలరావు, కోశాధికారి అర్జునరావు, తదితరులు అభినందించారు.