కష్టపడిన వారందరికీ గుర్తింపు: అయ్యన్న

తెదేపా నాయకులతో కలిసి మాజీ మంత్రి అయ్యన్నకు పుష్పగుచ్ఛం ఇస్తున్న తాతయ్యబాబు

నర్సీపట్నం అర్బన్‌, న్యూస్‌టుడే: ఎన్నికల్లో ఘన విజయం సాధించి తెదేపా అధికారంలో రావడం ఖాయమని మాజీ మంత్రి చింతకాయల అయ్యన్నపాత్రుడు ధీమా వ్యక్తం చేశారు. తెదేపా జిల్లా అధ్యక్షుడిగా నియమితుడైన బత్తుల తాతయ్యబాబు సోమవారం సాయంత్రం ముఖ్య నాయకులతో కలిసి నర్సీపటంలో అయ్యన్నను కలిశారు. వారినుద్దేశించి అయ్యన్న మాట్లాడుతూ.. పార్టీ కోసం కష్టపడిన కార్యకర్తలు, నాయకులందరికీ చంద్రబాబునాయుడు తగిన గుర్తింపు ఇస్తారని భరోసా ఇచ్చారు. జిల్లాలో పార్టీ మరింత బలోపేతం కావడానికి తనవంతు సహకారం అందిస్తానని హామీ ఇచ్చారు. తెదేపా జిల్లా ప్రధాన కార్యదర్శి లాలం కాశీనాయుడు తదితరులు పాల్గొన్నారు.