సోషల్‌ మీడియా సమావేశంలో ‘పారిశుద్ధ్య’ ఉద్యోగి

సమావేశంలో పాల్గొన్న ఇతర కన్వీనర్లతో కిలాని రామ్‌ప్రసాద్‌

విశాఖపట్నం, న్యూస్‌టుడే : రాష్ట్ర ముఖ్యమంత్రి జగన్మోహన్‌రెడ్డి ఆనందపురంలో మంగళవారం నిర్వహించిన సోషల్‌ మీడియా కోఆర్డినేటర్ల సమావేశంలో 20వ వార్డుకు చెందిన పొరుగుసేవల విధానంలో పని చేస్తున్న శానిటరీ ఉద్యోగి పాల్గొనటం విశేషం. 20వ వార్డుకు చెందిన కిలాని రామ్‌ప్రసాద్‌ నియోజకవర్గ వైకాపా సోషల్‌మీడియా కోకన్వీనర్‌గా పనిచేస్తూనే.. ఇటీవల పొరుగుసేవల విధానంలో ప్రజారోగ్య విభాగంలో పారిశుద్ధ్య కార్మికుడిగా చేరారు. స్థానిక కార్పొరేటర్‌ బంధువు కావటంతో అనధికారికంగా శానిటరీ సూపర్‌వైజర్‌గా హడావుడి చేస్తున్నట్లు సమాచారం.