అమరావతి: అధికారం కోల్పోతున్నారన్న అక్కసుతో వైకాపా రౌడీ మూకలు బరి తెగిస్తున్నారని తెదేపా రాష్ట్ర అధ్యక్షుడు అచ్చెన్నాయుడు మండిపడ్డారు. అనంతపురం జిల్లా కల్యాణదుర్గం ‘ఈనాడు’ కంట్రిబ్యూటర్‌ రమేశ్‌పై వైకాపా కార్యకర్తల దాడిని ఆయన తీవ్రంగా ఖండించారు. వైకాపా పాలనలో ప్రజలు, మీడియాపై దాడులు నిత్యకృత్యమయ్యాయని ఆగ్రహం వ్యక్తం చేశారు. రమేశ్‌పై దాడి చేసిన వారిపై వెంటనే చర్యలు తీసుకోవాలని డిమాండ్‌ చేశారు. జర్నలిస్టులపై దాడులు చేసిన వారిని వదిలిపెట్టే ప్రసక్తే లేదని హెచ్చరించారు. కూటమి ప్రభుత్వం అధికారంలోకి వచ్చిన తర్వాత జర్నలిస్టుల భద్రతకు చర్యలు తీసుకుంటామని హామీ ఇచ్చారు.