తెనాలి: మూడు రాజధానుల పేరుతో అమరావతిని జగన్‌ సర్వనాశనం చేశారని తెదేపా అధినేత చంద్రబాబు ధ్వజమెత్తారు. ఎన్నికల ప్రచారంలో భాగంగా తెనాలిలో నిర్వహించిన ప్రజాగళం బహిరంగ సభలో ఆయన ప్రసంగించారు. స్థానిక ఎమ్మెల్యే శివకుమార్‌ పన్నుల రూపంలో ప్రజల నుంచి ఇష్టారీతిన దోచేస్తున్నారని మండిపడ్డారు.‘‘ఒకప్పుడు ఈ ఆంధ్రా ప్యారిస్‌ (తెనాలి) అమరావతిలో భాగం. రాజధాని అభివృద్ధి ఉంటే.. ఈ ప్రాంతం ఒక వెలుగు వెలిగేది. తిక్కలోడు వచ్చి, మూడు రాజధానులని చెప్పాడు. చివరికి రాజధాని లేకుండా చేశాడు. అలాంటి వ్యక్తిని ఈ ఎన్నికల్లో ఓడించి మళ్లీ రాష్ట్రాన్ని పునర్మించుకోవాలి ’’ అని చంద్రబాబు పిలుపునిచ్చారు.