అమరావతి: రాష్ట్రంలో ఎన్నికల ప్రచార గడువు శనివారంతో ముగుస్తుండటంతో తెలుగుదేశం అధినేత చంద్రబాబు రెండ్రోజుల పాటు విస్తృత పర్యటనలు చేపట్టనున్నారు. శుక్రవారం ఒక్క రోజే ఆయన ఐదు ప్రజాగళం సభల్లో ఆయన పాల్గొననున్నారు. ఉండి, ఏలూరు, గన్నవరం, మాచర్ల, ఒంగోలు నియోజకవర్గాల్లో ప్రచారం నిర్వహించనున్నారు.  శనివారం మూడు సభల్లో పాల్గొననున్నారు. పలమనేరులో మార్చి 27న ప్రజాగళం పేరుతో ఎన్నికల ప్రచారం మొదలుపెట్టిన చంద్రబాబు.. ఇవాళ్టితో 82 నియోజకవర్గాల్లో సభలు పూర్తి చేశారు. ప్రచారగడువు ముగిసే నాటికి మొత్తం 90 నియోజకవర్గాల్లో ప్రజాగళం సభలు పూర్తవనున్నాయి.