పులివెందుల: చెల్లెళ్లకంటే జగన్‌కు భార్య తరఫు బంధువులే ఎక్కువయ్యారా? అని పీసీసీ అధ్యక్షురాలు షర్మిల ప్రశ్నించారు. చిన్న పిల్లాడంటూ అవినాష్‌రెడ్డిని జగన్‌ కాపాడుతున్నారన్న ఆమె.. అంతలా కాపాడటానికి కారణమేంటని నిలదీశారు. ఎన్నికల ప్రచారంలో భాగంగా గురువారం రాత్రి పులివెందులలో నిర్వహించిన రోడ్‌ షోలో పాల్గొన్న షర్మిల.. తాము అడిగే ప్రశ్నలకు జగన్‌ సమాధానం చెప్పాలన్నారు. న్యాయం కోసం జగన్‌ చెల్లెళ్లు ఒక వైపు.. భారతి బంధువులు మరో వైపు ఉన్నారన్నారు. కడప ప్రజలు నేరం వైపా.. న్యాయం వైపా? అని దేశం మొత్తం ఎదురు చూస్తోందన్నారు.

వివేకా కల నెరవేర్చండి: సౌభాగ్యమ్మ

షర్మిలను ఎంపీ చేయాలన్నది వివేకానందరెడ్డి కల.. పులివెందుల ప్రజలు దాన్ని తప్పక నెరవేర్చాలని ఆయన సతీమణి సౌభాగ్యమ్మ విజ్ఞప్తి చేశారు. పులివెందులలో నిర్వహించిన ప్రచార సభలో షర్మిల, సునీతతో కలిసి ఆమె పాల్గొన్నారు. ఆడ బిడ్డలకు న్యాయం చేయాలని విజ్ఞప్తి చేశారు.