సీఎం జగన్‌ను ప్రశ్నించిన తెదేపా అధినేత చంద్రబాబు

ఈనాడు డిజిటల్‌, అమరావతి: ‘యానాదోళ్ల అమ్మాయి.. నెత్తి మీద రూపాయి పెడితే, అయిదు పైసల విలువ చేయదు’ అంటూ వ్యాఖ్యానించిన వైకాపా నేత మేకపాటి రాజమోహన్‌రెడ్డి మాటల్ని సమర్థిస్తారా? అని సీఎం జగన్‌ను తెదేపా అధినేత చంద్రబాబు ప్రశ్నించారు. జగన్‌కు ఉండే కుల అహంకారం.. వైకాపాలో ఉండే నేతలందరికీ ఉందని ఎక్స్‌ వేదికగా ఆదివారం ఆగ్రహం వ్యక్తం చేశారు. ‘పార్టీలో ఇలాంటి నాయకులను పెట్టుకొని సామాజిక న్యాయం గురించి జగన్‌ మాట్లాడుతున్నారు. ఈ వ్యాఖ్యలకు క్షమాపణలు చెప్పాలి’ అని చంద్రబాబు డిమాండ్‌ చేశారు.

దర్శి నియోజకవర్గ తెదేపా సమన్వయకర్త నాదెండ్ల బ్రహ్మం రహదారి ప్రమాదంలో గాయపడటంపై లోకేశ్‌ దిగ్భ్రాంతి వ్యక్తం చేశారు. ఆయన త్వరగా కోలుకోవాలని దేవుడ్ని ప్రార్థిస్తున్నట్లు ఆదివారం ఓ ప్రకటనలో తెలిపారు.