సీఈవోకు తెదేపా అధినేత చంద్రబాబు లేఖ

ఈనాడు డిజిటల్‌, అమరావతి: అధికార పార్టీ నాయకులు అక్రమాలకు పాల్పడే అవకాశం ఉన్నందున తాను పోటీ చేస్తున్న కుప్పం నియోజకవర్గంపై ఈసీ ప్రత్యేక దృష్టి పెట్టాలని తెదేపా అధినేత చంద్రబాబు కోరారు. అయిదేళ్లుగా నియోజకవర్గంలోని తెదేపా సానుభూతిపరులు, కార్యకర్తలపై తప్పుడు కేసులు పెట్టి వేధిస్తున్నారని గుర్తు చేశారు. కోడ్‌ అమల్లో ఉన్నా కొందరు అధికారులు వైకాపాకు అనుకూలంగా వ్యవహరిస్తున్నారని మండిపడ్డారు. ఈ ఎన్నికలు సజావుగా సాగేందుకు కుప్పంలో అదనపు భద్రతా బలగాల్ని మోహరించాలని కోరారు. ఈ మేరకు రాష్ట్ర ప్రధాన ఎన్నికల అధికారి ముకేశ్‌కుమార్‌మీనాకు సోమవారం ఆయన లేఖ రాశారు.