వైకాపా అభ్యర్థి వంగా గీతపై మహిళల ఆగ్రహం

గొల్లప్రోలు, న్యూస్‌టుడే: రోడ్లు, డ్రెయిన్లు నిర్మించి ఆ తరువాత ఓట్లు అడగాలంటూ పలువురు మహిళలు పిఠాపురం నియోజకవర్గ వైకాపా అభ్యర్థి వంగా గీతపై ఆగ్రహం వ్యక్తం చేశారు. వంగా గీత మంగళవారం కాకినాడ జిల్లా గొల్లప్రోలులో ప్రచారం నిర్వహించారు. ఈబీసీ కాలనీ, దేవీనగర్‌ శివారు ప్రాంతాల్లో ప్రచారం చేస్తుండగా సిమెంటు రోడ్లు నిర్మించక ఇబ్బందులు పడుతున్నామని పలువురు మహిళలు సమస్యలపై ఏకరువు పెట్టారు. రోడ్లు వేసి ఓట్లు అడగాలంటూ ఆమెపై ఆగ్రహం వ్యక్తం చేశారు. వారికి నచ్చజెబుతూనే.. రోడ్లు, డ్రెయిన్ల నిర్మాణానికి చర్యలు చేపడతానని వంగా గీత ముందుకు సాగారు.