తెదేపా అధికార ప్రతినిధి పిల్లి మాణిక్యరావు

ఈనాడు డిజిటల్‌, అమరావతి: వైకాపా ఎమ్మెల్యే సుచరిత అనుచరుల అరాచకాల్ని భరించలేక.. దిల్లీలో శ్రీలక్ష్మి అనే మహిళ తన బొటన వేలు నరుక్కొన్న ఘటన రాష్ట్రంలో నెలకొన్న దారుణ పరిస్థితులకు నిదర్శనమని తెదేపా అధికార ప్రతినిధి పిల్లి మాణిక్యరావు దుయ్యబట్టారు. రాష్ట్రంలో ఎన్నికల కోడ్‌ అమల్లో ఉన్నా దళితులపై దాడులు ఆగడం లేదని ఆందోళన వ్యక్తం చేశారు. మంగళగిరిలోని తెదేపా కేంద్ర కార్యాలయంలో మంగళవారం ఆయన విలేకరులతో మాట్లాడారు. ‘అయిదేళ్ల వైకాపా పాలనలో బడుగుబలహీన వర్గాలు, మైనార్టీలపై దాడులు పెరిగాయి. ఈ ఎన్నికల్లో జగన్‌ను చిత్తుగా ఓడించాలి’ అని మాణిక్యరావు పిలుపునిచ్చారు.