కిర్లంపూడి, న్యూస్‌టుడే: ఎక్కడి నుంచో ముఖానికి రంగులు వేసుకుని వచ్చేస్తే పిఠాపురం జనం ఓట్లు వేసి గెలిపించేస్తారనుకుంటున్నారా.. వారు తన్ని తరిమివేయడానికి సిద్ధంగా ఉన్నారని జనసేన అధినేత పవన్‌ కల్యాణ్‌ను ఉద్దేశించి మాజీ మంత్రి, వైకాపా నాయకుడు ముద్రగడ పద్మనాభం వ్యాఖ్యానించారు. కాకినాడ జిల్లా కిర్లంపూడిలోని తన నివాసంలో మంగళవారం ఆయన విలేకర్లతో మాట్లాడారు. పిఠాపురం నియోజకవర్గంలో పవన్‌ కల్యాణ్‌ను ఓడించకపోతే తన పేరు ముద్రగడ పద్మనాభరెడ్డిగా మార్చుకుంటానని ప్రతిజ్ఞ చేశారు. కాపుల రిజర్వేషన్ల కోసం ఎమ్మెల్యేలు ఎందుకు ప్రశ్నించడం లేదని పవన్‌ కల్యాణ్‌ అడుగుతున్నారని.. వారిని ప్రశ్నించే హక్కు ఆయనకు ఎక్కడిదని అన్నారు.