ప్రచారానికొస్తే కాల్చేస్తామని వైకాపా శ్రేణుల హెచ్చరికలు

బుక్కపట్నం, న్యూస్‌టుడే: శ్రీసత్యసాయి జిల్లా బుక్కపట్నం మండలం పాముదుర్తి గ్రామ సమీపంలో ఎన్నికల ప్రచారం నిర్వహించేందుకు వెళ్తున్న తెదేపా అభ్యర్థి పల్లె సింధూరరెడ్డి ప్రచార రథానికి ఉన్న ఎల్‌ఈడీ స్క్రీన్‌ పగలగొట్టి, ఫ్లెక్సీలను చించేశారు వైకాపా నాయకులు. ప్రచారం చేయడానికి ఈ ప్రాంతానికి వస్తే వాహనాన్ని సైతం కాల్చేస్తామని బెదిరించడంతో డ్రైవర్‌ భయాందోళనకు గురయ్యారు. దీనిపై తెదేపా నాయకులు స్థానిక పోలీసులకు ఫిర్యాదు చేశారు. ప్రశాంతంగా ఎన్నికల ప్రచారం చేసుకుంటున్నా వైకాపా నాయకులు ఓర్చుకోవడం లేదని, దౌర్జన్యాలకు దిగుతున్నారని వారు ఆందోళన వ్యక్తం చేశారు.