భీమవరం పట్టణం, ఆకివీడు, న్యూస్‌టుడే: ‘రాష్ట్ర అభివృద్ధికి వైఎస్‌ జగన్‌ ఎంతో చేశారు. కరోనా సమయంలోనూ రాష్ట్రాన్ని ప్రగతిపథంలో నడిపించారు. ఆయనకు అంతా మద్దతు ఇవ్వాలి’ అని శాసనమండలి ఛైర్మన్‌ మోషేనురాజు కోరారు. రాజ్యాంగబద్ధ పదవుల్లో ఉన్నవారు ఇలాంటి ప్రచారాలు చేయడం నిబంధనలకు విరుద్ధం. కానీ ఆయన భీమవరంలోని తన క్యాంపు కార్యాలయంలో ఆదివారం నిర్వహించిన ఆర్యవైశ్య సంఘాల ఆత్మీయ సమావేశంలో జగన్‌కు మద్దతుగా ప్రచారం చేశారు. ఈ వివరాలను ప్రకటన రూపంలోనూ విడుదల చేశారు. ఈ సమావేశానికి ఛాంబర్‌ ఆఫ్‌ కామర్స్‌ అధ్యక్షుడు సభాపతి, మావుళ్లమ్మ ఆలయ కమిటీ ఛైర్మన్‌ మానేపల్లి నాగన్నబాబు, ఛాంబర్‌ మాజీ అధ్యక్షుడు మానేపల్లి గుప్తా హాజరయ్యారు.

ఆకివీడులో ఆదివారం జరిగిన దళిత, దళిత క్రైస్తవుల ఆత్మీయ సమావేశంలోనూ మోషేనురాజు మాట్లాడారు. జగన్‌కు మనమంతా అండగా నిలవాలన్నారు.