సినీ నటుడు వెంకటేశ్‌

కలిదిండి, న్యూస్‌టుడే: కైకలూరు కూటమి ఎమ్మెల్యే అభ్యర్థిగా ఎన్నికల బరిలోకి దిగిన మాజీ మంత్రి కామినేని శ్రీనివాస్‌ను భారీ మెజారిటీతో గెలిపించాలని సినీ నటుడు వెంకటేశ్‌ పిలుపునిచ్చారు. ఏలూరు జిల్లా కలిదిండిలో కామినేనికి మద్దతుగా బుధవారం ఆయన ఎన్నికల ప్రచారం నిర్వహించారు. స్థానిక ఎన్డీయే కార్యాలయం నుంచి పడమటిపాలెం, ఎస్‌ఆర్పీ అగ్రహారం, సానారుద్రవరం, కోరుకొల్లు మీదుగా కైకలూరు వరకూ భారీ ర్యాలీ నిర్వహించారు. వెంకటేశ్‌ను చూసేందుకు కూటమి శ్రేణులు, అభిమానులు తరలివచ్చారు. దారి పొడవునా బారులుదీరిన ప్రజలకు అభివాదం చేస్తూ ఆయన ముందుకుసాగారు.