Air India: వేడెక్కిన సెల్‌ఫోన్.. విమానం అత్యవసర ల్యాండింగ్‌

దిల్లీ: ఎయిరిండియా (Air India) విమానానికి తృటిలో ప్రమాదం తప్పింది. సోమవారం మధ్యాహ్నం రాజస్థాన్‌లోని ఉదయ్‌పుర్‌ నుంచి దిల్లీకి బయల్దేరిన ఎయిరిండియా ఫ్లైట్‌ 470 విమానం టేకాఫ్‌ అయిన కొద్దిసేపటికే ప్రయాణికుల్లో ఒకరు తమ ఫోన్ ఓవర్‌హీట్ కావడం గుర్తించారు. ఈ విషయమై క్యాబిన్ సిబ్బందికి సమాచారం అందించడంతో ముందస్తు జాగ్రత్త చర్యగా విమానాన్ని పైలట్‌ ఉదయ్‌పూర్‌ విమానాశ్రయంలో అత్యవసర ల్యాండింగ్ చేశారు. ఈ ఘటనలో ఎలాంటి ప్రమాదం సంభవించలేదని, ప్రయాణికులు సురక్షితంగా ఉన్నట్లు విమానాశ్రయ అధికారులు తెలిపారు. సాంకేతిక సిబ్బంది తనిఖీ చేసిన అనంతరం విమానం తిరిగి దిల్లీకి బయల్దేరినట్లు వెల్లడించారు.ఈ ఘటన జరిగిన సమయంలో విమానంలో 140 మంది ప్రయాణికులు ఉన్నారు. 

Supreme Court: తర్వాత రాజధాని రైలునూ షెడ్యూల్‌ చేయమంటారా? వందే భారత్‌ పిటిషన్‌పై సుప్రీం అసహనం

ఇటీవలి కాలంలో సాంకేతిక లోపం కారణంగా విమానాలు అత్యవసర ల్యాండింగ్ అవుతున్న ఘటనలు తరచుగా చోటుచేసుకుంటున్నాయి. గత నెలలో దిల్లీ-దెహ్రాదూన్‌ ఇండిగో విమానం సాంకేతిక లోపం కారణంగా టేకాఫ్‌ అయిన కొద్దిసేపటికే అత్యవసర ల్యాండింగ్ అయింది. అంతకుముందు ముంబయి​ నుంచి బెంగళూరు పయనమైన ఎయిరిండియా విమానం.. గాల్లో ఉండగానే ఓ ఇంజిన్ పనిచేయడం ఆగిపోవడంతో అత్యవసరంగా మళ్లీ ముంబయి ఎయిర్‌పోర్టులో దిగింది.