మదురైలో జల్లికట్టు.. 32మందికి గాయాలు

మదురై: మకర సంక్రాంతి సందర్భంగా తమిళనాడులో నిర్వహించే జల్లికట్టులో 32 మంది గాయపడ్డారు. మదురైలోని అవనియాపురంలో క్రీడలో భాగంగా ఎడ్లను ఆపేందుకు చేసే ప్రయత్నంలో ఈ ఘటన చోటుచేసుకుంది. గాయపడిన వారిలో నలుగురికి తీవ్ర గాయాలు కాగా, వారిని మదురైలోని ప్రభుత్వ ఆస్పత్రికి తరలించినట్టు అధికారులు వెల్లడించారు. ఈ నెల 31 వరకు రాష్ట్ర వ్యాప్తంగా జరిగే ఈ సంప్రదాయ క్రీడల్లో 2 వేలకు పైగా ఎద్దులు పాల్గొననున్నాయి. అవనియపురంలో 730, అలంగనల్లూరులో 700, పాలమేడులో 650 ఎద్దులు జల్లికట్టులో తలపడనున్నాయి. ఈ పోటీలను తిలకించేందుకు భారీ సంఖ్యలో ప్రజలు తరలివచ్చారు.