Anyas Tutorial: దెయ్యాలు ఉన్నాయా?.. ఆసక్తికరంగా అన్యాస్‌ ట్రైలర్‌..!

హైదరాబాద్‌: ప్రపంచం మొత్తం డిజిటల్‌వైపు అడుగులు వేస్తోంది. మరి అదే డిజిటల్‌ రంగం అందరినీ భయపెడితే? లైవ్‌లో దెయ్యం అంటూ సైబర్‌ ప్రపంచం మొత్తం ఒక్కసారిగా ఉలిక్కిపడితే? ఇంతకీ దెయ్యాలు ఉన్నాయా? అసలు అలాంటి పరిణామాలకి దారితీసిన పరిస్థితులు ఎలాంటివో తెలియాలంటే మా ‘అన్యాస్‌ ట్యుటోరియల్‌’(Anyas Tutorial) చూడాల్సిందే అంటున్నారు శోభు యార్లగడ్డ. ఆయన ఆర్కా మీడియా పతాకంపై నిర్మించిన వెబ్‌ సిరీస్‌ ఇది. రెజీనా(Regina), నివేదితా సతీష్‌(Nivedhithaa) ప్రధాన పాత్రలు పోషిస్తున్నారు. జులై 1 నుంచి తెలుగు, తమిళంలో ఆహా ఓటీటీ వేదికలో ప్రసారం కానుంది. ఈ సిరీస్‌ ట్రైలర్‌ని ప్రముఖ దర్శకుడు ఎస్‌.ఎస్‌.రాజమౌళి హైదరాబాద్‌లో విడుదల చేశారు.