‘అసలేం జరిగిందో’ తెలుసుకోవాలనుందా!

హైదరాబాద్‌: ప్రేక్షకులు హారర్‌ జోనర్‌లో తెరకెక్కే సినిమాలంటే ఎప్పుడూ ఆసక్తిగానే ఉంటారు.  శ్రీరామ్‌ హీరోగా ‘అసలేం జరిగింది’అనే చిత్రం ప్రేక్షకులను భయపెట్టేందుకు సిద్ధమౌతోంది. తాజాగా నటుడు అల్లరి నరేశ్‌ చేతుల మీదుగా విడుదలైన చిత్ర ట్రైలర్‌లో ఆ విషయం స్పష్టమౌతోంది. యదార్థ సంఘటనల ఆధారంగా ఈ చిత్రాన్ని తెరకెక్కించినట్టు చిత్రబృందం వెల్లడించింది. సిటీ నుంచి పల్లెటూరికి వెళ్లిన యువకుడు ఒక అమ్మాయి ప్రేమలో పడటం, అదే ఊరికి అమావాస్య రోజున ఒక మాంత్రికుడి నుంచి సమస్య ఎదురవటం, ప్రేమించిన అమ్మాయి అందులో చిక్కుకోవడంతో హీరో కాపాడే నేపథ్యంలో సినిమా తెరకెక్కించినట్టు ట్రైలర్‌ చూస్తుంటే అర్థమౌతోంది. సంచితా పదుకునే హీరోయిన్‌గా నటిస్తున్న ఈ చిత్రాన్ని ఎన్వీఆర్‌ తెరకెక్కించారు. చిన్నా నేపథ్య సంగీతం అందించగా, యేలేంధర్‌ మహవీర్‌ పాటలకు బాణీలు కట్టారు. ఎక్సోడస్‌ మీడియా పతాకంపై నీలిమా చౌదరి ఈ చిత్రాన్ని నిర్మించారు. మరి లేటెందుకు ఆ ట్రైలర్‌ మీరు చూసేయండి!