Ashokavanamloo Arjuna Kalyanam: అసలు పెళ్లెందుకు చేసుకోవాలి: విశ్వక్‌సేన్‌

హైదరాబాద్‌: ‘‘అసలు నేను పెళ్లెందుకు చేసుకోవాలి? చుట్టాలు అడుగుతున్నారని చేసుకోవాలా? వయసు అయిపోతుందని చేసుకోవాలా? లేకపోతే అందరూ చేసుకుంటున్నారు కాబట్టి నేను కూడా చేసుకోవాలా?’’ అని అడుగుతున్నారు నటుడు విశ్వక్‌సేన్‌. ఆయన కథానాయకుడిగా విజయం సొంతం చేసుకున్న చిత్రం ‘అశోకవనంలో అర్జున కల్యాణం’. విద్యాసాగర్‌ చింత దర్శకుడు. బాక్సాఫీస్‌ వద్ద మంచి వసూళ్లు రాబట్టిన ఈసినిమా జూన్‌ 3 నుంచి ఆహా వేదికగా ప్రేక్షకుల అందుబాటులో ఉందనుంది. తాజాగా ఈ సినిమా ఓటీటీ ట్రైలర్‌ని ఆహా విడుదల చేసింది. ‘‘సూర్యపేట మొత్తంలో ఒకటే టాపిక్‌. అర్జున్‌కుమార్‌ అల్లంగాడికి పెళ్లి కాలేదు.. పెళ్లి కాలేదు.. పెళ్లి కాలేదని..’’ అనే డైలాగ్‌తో ప్రారంభమైన ట్రైలర్‌ ఆకట్టుకునేలా ఉంది. విశ్వక్‌, రుక్సర్‌ దిల్లాన్‌ నటన మెప్పించేలా సాగింది. ఇక, ట్రైలర్‌ చివర్లో విశ్వక్‌సేన్‌ చెప్పే డైలాగ్‌లు మనసుని హత్తుకునేలా ఉన్నాయి.