Avatar: వింత జీవులు.. కొత్త యాక్షన్‌

జేమ్స్‌ కామెరూన్‌ అద్భుత సృష్టి ‘అవతార్‌’. దీనికి కొనసాగింపుగా రానున్న చిత్రానికి టైటిల్‌ను దర్శక నిర్మాతలు గురువారం అధికారికంగా ప్రకటించారు. నీటి అడుగు భాగాన ఈ కథ జరుగుతుందన్న అంచనాలకు అనుగుణంగా ‘అవతార్‌.. ది వే ఆఫ్‌ వాటర్‌’ అనే టైటిల్‌ను ఖరారు చేశారు. లాస్‌ వేగస్‌లో జరిగిన సినిమాకాన్‌ కార్యక్రమంలో ప్రదర్శించిన ఫస్ట్‌ గ్లింప్స్‌ ప్రేక్షకులను మరో లోకానికి తీసుకెళ్లిపోయిందని తెలుస్తోంది. పండోరా ప్రపంచంలోని ఎగిరే జీవి టోరుక్‌తో పాటు వేల్స్‌ తరహా కొత్త జీవులు ఈ సినిమాలో కనిపించనున్నాయని సమాచారం. డిసెంబర్‌ 16న ఈ చిత్రాన్ని విడుదల చేయనున్నట్లు డిస్నీ సంస్థ తాజాగా ప్రకటించింది. ఈ సినిమాకు రెండు నెలలు ముందుగా సెప్టెంబరు 23న ‘అవతార్‌ 1’ను మరో సారి విడుదల చేయనున్నారు.