BEAST: ‘బీస్ట్‌’.. ఓటీటీ రిలీజ్‌ డేట్‌ ఫిక్స్‌..!

ఇంటర్నెట్‌డెస్క్‌: విజయ్‌-నెల్సన్‌ కాంబినేషన్‌లో తెరకెక్కిన చిత్రం ‘బీస్ట్‌’. ఎన్నో అంచనాల మధ్య విడుదలైన ఈ సినిమా కోలీవుడ్‌ బాక్సాఫీస్‌ వద్ద మంచి వసూళ్లే రాబట్టినప్పటికీ మిశ్రమ స్పందనలకే పరిమితమైంది. కాగా, తాజాగా ఈ సినిమా ఓటీటీ రిలీజ్‌ డేట్‌పై అధికారిక ప్రకటన వెలువడింది. ప్రముఖ ఓటీటీ ప్లాట్‌ఫామ్‌ నెట్‌ఫ్లిక్స్‌ వేదికగా మే 11న ఈ సినిమా ప్రేక్షకులకు అందుబాటులోకి రానుంది. టెర్రరిజం నేపథ్యంలో రూపుదిద్దుకున్న ఈ సినిమాలో విజయ్‌ రా ఏజెంట్‌ పాత్రలో నటించారు. ఓ ప్రముఖ షాపింగ్‌మాల్‌ని టెర్రరిస్టులు హైజాక్‌ చేయడం.. టెర్రరిస్టుల చేతుల్లో బంధిగా ఉన్నవారిలో ఓ రా ఏజెంట్‌ కూడా ఉండటం.. ఇలాంటి అంశాలతో ఈ సినిమా తెరకెక్కింది. ఇందులో విజయ్‌ ఫుల్‌ ఎనర్జిటిక్‌ లుక్‌లో కనిపించారు. ఆయనకు జోడీగా పూజాహెగ్డే నటించారు. అనిరుధ్‌ స్వరాలు సమకూర్చారు.

► Read latest Movies News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.