Bhola Shankar Review: రివ్యూ: భోళా శంకర్.. చిరంజీవి కొత్త మూవీ ఎలా ఉంది?
Bhola Shankar Review in telugu; చిరంజీవి కీలక పాత్రలో మెహర్ రమేశ్ దర్శకత్వంలో రూపొందిన ‘భోళా శంకర్’ ఎలా ఉందంటే?
Bhola Shankar Review; చిత్రం: భోళా శంకర్; నటీనటులు: చిరంజీవి, కీర్తి సురేష్, తమన్నా, సుశాంత్, తరుణ్ అరోడా, మురళీ శర్మ, షాయాజీ షిండే, రవి శంకర్, వెన్నెల కిషోర్, శ్రీముఖి తదితరులు; సంగీతం: మహతి స్వర సాగర్; ఎడిటింగ్: మార్తాండ్ కె.వెంకటేశ్; సినిమాటోగ్రఫీ: డడ్లీ; నిర్మాత: రామబ్రహ్మం సుంకర, కె.ఎస్.రామారావు; రచన: శివ, ఆది నారాయణ; స్క్రీన్ప్లే, దర్శకత్వం: మెహర్ రమేశ్; విడుదల తేదీ: 11-08-2023
ప్రస్తుతం యువ కథానాయకులకు దీటుగా సినిమాలు చేస్తున్నారు చిరంజీవి (Chiranjeevi). ఈ ఏడాది సంక్రాంతికి ‘వాల్తేర్ వీరయ్య’తో మరోసారి తన మాస్ స్టామినాను చూపించి బాక్సాఫీస్ వద్ద ఘన విజయాన్ని సొంతం చేసుకున్నారు. ఇప్పుడు ‘భోళా శంకర్’ (Bhola Shankar)గా ప్రేక్షకుల ముందుకు వచ్చారు. తమిళంలో ఘన విజయం సాధించిన ‘వేదాళం’ రీమేక్గా మెహర్ రమేశ్ దీన్ని తీర్చిదిద్దారు. మరి మాతృకతో పోలిస్తే ఇందులో ఏ మార్పులు చేశారు? చిరంజీవి సిస్టర్ సెంటిమెంట్ వర్కవుట్ అయిందా?
కథేంటంటే: శంకర్ (చిరంజీవి) తన సోదరి మహాలక్ష్మి (కీర్తిసురేశ్)తో కలిసి కలకత్తాలో దిగుతాడు. చదువుకోసం చెల్లెల్ని కాలేజీలో చేర్పించి.. తాను టాక్సీ డ్రైవర్గా జీవితాన్ని మొదలుపెడతాడు. మహాలక్ష్మిని చూసి శ్రీకర్ (సుశాంత్) ప్రేమలో పడతాడు. ఆ ఇద్దరికీ పెళ్లి చేయాలనే ప్రయత్నాల్లో ఉంటూనే, మానవ అక్రమరవాణాకి పాల్పడుతున్న అలెగ్జాండర్ (తరుణ్ అరోరా) సోదరుల్లో ఒకొక్కరినీ అంతం చేయడం మొదలుపెడతాడు శంకర్. ఆ విషయాన్ని కళ్లారా చూస్తుంది శ్రీకర్ సోదరి, క్రిమినల్ లాయర్ లాస్య (తమన్నా). ఆ తర్వాత ఏం జరిగింది?(Bhola Shankar Review) మానవ అక్రమ రవాణా ముఠాతో శంకర్కి ఉన్న వైరం ఏమిటి? అసలు శంకర్ గతమేమిటి? మహా, శ్రీకర్ జంట పెళ్లి జరిగిందా?లేదా తదితర విషయాలు తెలియాలంటే సినిమా చూడాల్సిందే.
దర్శకుడికి పదేళ్ల గ్యాప్.. సాయి పల్లవి స్థానంలో కీర్తిసురేశ్
ఎలా ఉందంటే: తమిళంలో అజిత్ కథానాయకుడిగా నటించిన ‘వేదాళం’ ప్రేక్షకుల ముందుకొచ్చి దాదాపు ఎనిమిదేళ్లవుతోంది. అలాంటి ఓ పాత కథని ఎంచుకుని, అంతకు మించిన పాత పద్ధతులతో తెరకెక్కిస్తే ఎలా ఉంటుందో అదే... ‘భోళాశంకర్’. (Bhola Shankar Review) రీమేక్ అంటేనే చాలామంది సినీ ప్రేమికులకి తెలిసిపోయిన కథ. అలాంటి ఓ కథకి... కథనం, భావోద్వేగాలు, హీరోయిజంపరంగా ఏమాత్రం కొత్త జోడింపులు లేకుండా, మేకింగ్లోనూ ఎక్కడా కొత్తదనం లేకుండా తెరకెక్కిస్తే అది ప్రేక్షకులకి ఎలాంటి అనుభవాన్నిస్తుందో ఊహించుకోవచ్చు. మానవ అక్రమ రవాణా ముఠా దురాగతాలతో ఆరంభమయ్యే సినిమా... తొలి భాగం మొత్తం కలకత్తా నేపథ్యంలోనే సాగుతుంది. టాక్సీ డ్రైవర్గా చిరంజీవి - టాక్సీ కంపెనీ ఓనర్గా కనిపించే వెన్నెల కిశోర్ మధ్య ట్రాక్తో కామెడీ పండించాలని ప్రయత్నించినా బెడిసికొట్టింది. లాయర్ లాస్య పాత్రలో తమన్నాకీ, చిరంజీవికీ మధ్య సన్నివేశాల్లోనూ పస లేదు. పోరాట ఘట్టాలు, పాటలు ఒకదాని వెంట ఒకటి వస్తూనే ఉంటాయి. కానీ, అవి ప్రేక్షకులపై ఏమాత్రం ప్రభావం చూపించవు. (Bhola Shankar Review) ఒక్క సన్నివేశంలోనూ సహజత్వం కనిపించదు. విరామంలో ఓ మలుపు చోటు చేసుకున్నా అప్పటిదాకా సాగిన బోరింగ్ డ్రామా ప్రభావంతో ఆ సన్నివేశాలు ఏమాత్రం ప్రభావం చూపించవు. అయితే ద్వితీయార్ధం ఆరంభమయ్యాక ప్రథమార్ధంతో పోలిస్తే కాస్త ఉపశమనం కలుగుతుంది.
ఫ్లాష్బ్యాక్లో భాగంగా గ్యాంగ్స్టర్ బోలాగా చిరంజీవి కనిపించిన విధానం, ఆయన తనదైన శైలిలో పండించిన హాస్యం అక్కడక్కడా మెప్పిస్తుంది. కీర్తి ఇంట్లో శ్రీముఖి, మురళీశర్మ, గెటప్ శ్రీను, తాగుబోతు రమేశ్, బిత్తిరి సత్తి తదితర గ్యాంగ్తో కలిసి చిరంజీవి చేసిన సన్నివేశాలు కొన్ని నవ్విస్తాయి. అయితే పవన్కల్యాణ్ని అనుకరించడం, ముఖ్యంగా శ్రీముఖితో కలిసి చేసిన ‘ఖుషి’ నడుము సన్నివేశాలు నవ్వించలేకపోయాయి. (Bhola Shankar Review) అలాంటి ప్రయత్నాలకి చిరంజీవి దూరంగా ఉండటం మంచిది. ఆయన కాస్త స్టైలిష్గా, హుషారుగా కనిపించడం ఒక్కటే ఈ సినిమాలో చెప్పుకోదగ్గ విషయం. అన్నాచెల్లెళ్ల బంధం, మహిళల అక్రమ రవాణా కథకి కీలకం అయినప్పుడు ఆ నేపథ్యంలో బలమైన భావోద్వేగాలు పండాలి. చిరంజీవిలాంటి ఓ స్టార్ కథానాయకుడు ఉన్నా ఆ నేపథ్యంలో మనసుల్ని తాకే ఒక్క సన్నివేశం కానీ సంభాషణ కానీ లేదు. పతాక సన్నివేశాలు కూడా ఊహకు తగ్గట్టే సాగుతాయి. మెహర్ రమేశ్ నుంచి దాదాపు పదేళ్ల తర్వాత వచ్చిన సినిమా ఇది. (Bhola Shankar Review in telugu) కావల్సినంత సమయం దొరికినా రచన, మేకింగ్ పరంగా ఏమాత్రం కొత్త రకమైన కసరత్తులు చేయలేదన్న విషయం ఈ సినిమా స్పష్టం చేస్తుంది.
రివ్యూ: పోర్ తొళిల్.. తమిళ్ సెన్సేషనల్ క్రైమ్ థ్రిల్లర్ ఎలా ఉంది?
ఎవరెలా చేశారంటే: చిరంజీవి (Chiranjeevi) తనదైన మాస్ మార్క్తో తెరపై కనిపించారు. పాటలు, పోరాట ఘట్టాల్లో తనవైపు నుంచి ఏమాత్రం తక్కువ కాకుండా చూసుకున్నారు. మంచి సన్నివేశం కుదిరితే తన టైమింగ్ ఎలా ఉంటుందో ద్వితీయార్ధంలో అక్కడక్కడా చిరంజీవి చెప్పకనే చెప్పారు. కానీ, రచనలోనే ఆ బలం లేదు. చిరంజీవికి చెల్లెలిగా కీర్తిసురేశ్కి ప్రాధాన్యమున్న పాత్రే దక్కింది. ఆమె పాత్ర వల్లే అక్కడక్కడా భావోద్వేగాలు పండాయి. లాయర్ లాస్యగా కనిపించిన తమన్నాకి పాటలు మినహాయిస్తే, పాత్ర పరంగా పెద్దగా ప్రాధాన్యం దక్కలేదు. (Bhola Shankar Review) ప్రథమార్ధంలో వెన్నెల కిశోర్, రఘుబాబు తదితర హాస్యనటులున్నా కామెడీ పండలేదు. గెటప్ శ్రీను, తాగుబోతు రమేశ్, సత్య తదితర కామెడీ గ్యాంగ్ కాస్త పర్వాలేదనిపిస్తారు. తరుణ్ అరోరా, షవర్ అలీ ప్రధాన విలన్లుగా కనిపిస్తారు. సాంకేతిక విభాగాల్లో డడ్లీ కెమెరా పనితనం మెప్పిస్తుంది. మహతి స్వరసాగర్ పాటలు, నేపథ్య సంగీతం పర్వాలేదనిపించే స్థాయిలో ఉన్నాయి. సినిమాకి రచనే బలహీనం. కథ, కథనాలు ఊహకు తగ్గట్టే సాగుతుంటాయి. మెహర్ రమేశ్ మేకింగ్లో కొత్తదనం ప్రదర్శించలేకపోయారు. నిర్మాణం పరంగా లోటుపాట్లేమీ కనిపించవు.
- బలాలు
- + చిరంజీవి - కీర్తి సురేశ్
- + ద్వితీయార్ధంలో కొన్ని సన్నివేశాలు
- బలహీనతలు
- - కథ, కథనం
- - పండని భావోద్వేగాలు
- - కొత్తదనం కొరవడిన మేకింగ్
- చివరిగా: భోళాశంకర్... బేలగా (Bhola Shankar Review)
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?