Cheppalani Vundi: మీరు మా ఊరు రాకండి.. వస్తే కొడతారని చెప్పారు: ప్రీతి నిగమ్
ప్రముఖ బుల్లితెర నటి ప్రీతి నిగమ్ ‘చెప్పాలని ఉంది’ కార్యక్రమానికి అతిథిగా వచ్చారు. ఆవిడ నట ప్రస్థానం గురించి పంచుకున్నారు.
ఋతురాగాలు సీరియల్తో బుల్లితెర నట జీవితానికి శ్రీకారం చుట్టిన ప్రీతి నిగమ్ (Preeti Nigam) అంటే తెలుగు బుల్లితెర ప్రేక్షకులకు పరిచయం అక్కర్లేదు. కావ్యాంజలి సీరియల్లో నటించి జాతీయ అవార్డును అందుకున్నారు. ‘స్టూడెంట్ నెం.1’ (Student No: 1) చిత్రంతో తెలుగు సినిమాలోకి అరంగేట్రం చేశారు. తెలంగాణ ఉద్యమ చిత్రాల్లో చాకలి ఐలమ్మ వంటి వీర వనితల పాత్రలు పోషించి ప్రేక్షకులను మెప్పించారు. అటు సీరియల్స్లో, ఇటు సినిమాల్లో నటిస్తూ మంచి గుర్తింపు తెచ్చుకున్నారు. మూడు దశాబ్దాల నట ప్రస్థానంలో తన జీవితంలోని సంఘటనలను ‘చెప్పాలని ఉంది’ (Cheppalani Vundi ) కార్యక్రమంలో పంచుకున్నారు ప్రీతి నిగమ్.
మీ పూర్తి పేరు ఏంటి. ఉద్యోగం చేసే స్త్రీలకు మీరు ఇచ్చే సలహా ఏంటి?
ప్రీతి నిగమ్: నా పూర్తి పేరు ఇదే. ప్రీతి నిగమ్. పెళ్లి అయ్యాక ఇంటి పేరు మారుతుందేమో అనుకున్నా. మా వారు నువ్వు పుట్టినప్పటి నుంచి ఉన్న పేరునే కొనసాగించు అన్నారు. అందుకే పెళ్లి అయ్యాక కూడా నిగమ్ అలానే ఉంది. ప్రస్తుతం టీనేజ్లో పిల్లలకు కూడా ఓపిక ఉండడం లేదు. అన్ని పనులు త్వరగా అయిపోవాలి అనుకుంటున్నారు. సహనం లోపించింది. ఇంతకు ముందు రోజుల్లో ఉమ్మడి కుటుంబాలు ఎక్కువగా ఉండేవి.. ఇద్దరి మధ్య గొడవ వస్తే ఎవరో ఒకరు సర్ది చెప్పేవాళ్లు. ఇప్పుడు ఉమ్మడి కుటుంబాలు తక్కువగా కనిపిస్తున్నాయి. అందుకే విడాకులు కూడా ఎక్కువయ్యాయి. ఏ పని చేసినా ఆలోచించి చేయాలి. ఇదే నేను ఇచ్చే సలహా.
నాట్యం ఎప్పుడు నేర్చుకున్నారు. ప్రదర్శనలు ఇవ్వడం ఏ వయసు నుంచి మొదలు పెట్టారు?
ప్రీతి నిగమ్: ఐదో తరగతిలో ఉన్నప్పుడు నేర్చుకున్నా. ఆరో తరగతి నుంచి ప్రదర్శనలు ఇవ్వడం మొదలు పెట్టా. కూచిపూడి, కథక్, ఫోక్ డ్యాన్స్ మూడూ నేర్చుకున్నా. మా అమ్మ ప్రోత్సాహంతోనే నేర్చుకున్నా. నాన్నకు కూడా ఇష్టమే కానీ, అమ్మాయి అలా బయటకు వెళ్లి ప్రదర్శనలు ఇస్తే నలుగురు ఏమనుకుంటారో అనుకునే వారు. తర్వాత ఆయన కూడా చాలా ఎంకరేజ్ చేశారు. మా అమ్మ మమ్మల్ని అబ్బాయిల్లాగే పెంచారు. మా నాన్న మేమందరం టీచర్లు అవ్వాలని కోరుకున్నారు. ఆ వృత్తి అయితే ఆడపిల్లలకు బాగుంటుందని ఆయన ఉద్దేశం. కానీ మా అమ్మ చాలా ధైర్యవంతురాలు. మమ్మల్ని కూడా అలానే పెంచింది. మా ఇంట్లో వాళ్లంతా ఆమెను ఝూన్సీ లక్ష్మీభాయ్ అంటారు.
మీది చిత్రగుప్తుల వంశమని అంటుంటారు నిజమేనా?
ప్రీతి నిగమ్: మా ఇంటి పేరు నిగమ్. అది చూసి మేము బెంగాలీ అనుకుంటారు. కానీ మాది చిత్రగుప్తుల వంశం. చిత్రగుప్తుడికి ఇద్దరు భార్యలు. వాళ్ల పిల్లల పేర్లే మా ఇంటి పేర్లయ్యాయి. నేను, మా అమ్మవాళ్లు, అమ్మమ్మ, తాతయ్య అందరం ఇక్కడే పుట్టి పెరిగాం. అంతకు ముందుతరం వాళ్లు ఉత్తర భారతదేశంలో ఉండే వాళ్లు. నిజాం పాలన సమయంలో కొంతమందిని బలవంతంగా హైదరాబాద్ తీసుకువచ్చారు. అలా మా పూర్వీకులు ఇక్కడకు వచ్చారు. నిజాం పాలనలో వాళ్లంతా మంచి పదవుల్లో ఉండేవాళ్లు.
నృత్య ప్రదర్శనల గురించి చెప్పండి?
ప్రీతి నిగమ్: నేను ఏడో తరగతి వరకు ట్రైన్ కూడా ఎక్కలేదు. నేను మొదటిసారి ఏడో తరగతిలో ఉన్నప్పుడు విజయవాడలో జరిగిన ‘మహానాడు’ కార్యక్రమంలో ప్రదర్శన ఇచ్చాను. అక్కడ మొదలైంది.. ఇప్పటి వరకు చాలా ప్రదర్శనలు ఇచ్చాను. దాదాపు దేశంలోని అన్ని ప్రాంతాల్లో నేను ఈవెంట్స్కు వెళ్లాను. 1990లో మొదటిసారి విదేశాల్లో ప్రదర్శన ఇచ్చాను. మన దేశంలో కంటే విదేశాల్లోనే భారతదేశ సంస్కృతి ఎక్కువగా కనిపిస్తుంది. ఇక్కడ నుంచి అక్కడకు వెళ్లి స్థిరపడిన వాళ్లు మన సంస్కృతిని చాలా బాగా కాపాడుతున్నారు.
నటించే అవకాశం ఎప్పుడు వచ్చింది? తెలుగు రాదని ఓ మూగ పాత్ర ఇచ్చారని విన్నాం. ఎందులో అది?
ప్రీతి నిగమ్: డ్యాన్స్ షోలు చేసేటప్పుడే నాకు అవకాశాలు వచ్చాయి. మా కుటుంబ నేపథ్యం అది కాదు అని మా గురువుగారు ఆసక్తి చూపలేదు. ఒకసారి స్టేజ్పై డ్యాన్స్ చేస్తుంటే అమ్మాయి బాగుంది.. పెద్ద కళ్లు ఉన్నాయి. అని ఒక డాక్యుమెంటరీ అవకాశం వచ్చింది. అందులో మా గురువుగారు నేను కలిసి చేశాం. ఆ తర్వాత సూర్యచంద్ర గారు ఓ సినిమాలో మూగ అమ్మాయి పాత్ర ఇచ్చారు. నన్ను చూసి ఆయన రాసుకున్న కథలో మార్పులు చేసి మరీ ఓ మూగ పాత్రను సృష్టించారు. ఆ తర్వాత ‘మాయల మరాఠీ’లో కూడా ఆయనే అవకాశం ఇచ్చారు.
ఋతురాగాలు సీరియల్ అవకాశం ఎలా వచ్చింది?
ప్రీతి నిగమ్: ఆ సీరియల్ నాకే కాదు చాలా మందికి జీవితాన్నిచ్చింది. తెలిసిన కెమెరామ్యాన్ ఒకాయన ఆ సీరియల్ ఆడిషన్స్ గురించి చెప్పారు. వెళ్లగానే సెలక్టయ్యా. ఇండస్ట్రీలోకి వచ్చి 33 సంవత్సరాలు అవుతోంది. మొదటిరోజు ఎంత భయంగా షూటింగ్కు హాజరయ్యానో ఇప్పటికీ అలానే వెళ్తాను. నా వృత్తిని నేను అంత గౌరవిస్తా.
ఋతురాగాల్లో తమ్ముడి పాత్ర చేసిన నగేష్ గారిని ఎలా ప్రేమించారు?
ప్రీతి నిగమ్: మాది ప్రేమ వివాహం కాదు. ఆయన నన్ను సంవత్సరం గమనించారట.. ఏం గమనించారో నాకు తెలీదు. అందుకే ఇప్పుడు గొడవ పడుతుంటా(నవ్వుతూ). మొదట నగేష్ వాళ్లింట్లో వాళ్లతో చెప్పారు. మా అత్తగారు అంగీకరించలేదు. తర్వాత ఆవిడ నన్ను కూతురిలా చూసుకున్నారు. మా అత్తింటి వాళ్లు ఏరోజూ నన్ను కోడలిగా చూడలేదు. కూతురిలానే చూశారు.
‘కావ్యాంజలి’ సీరియల్ మీకు జాతీయ అవార్డును తెచ్చింది. దాని గురించి చెప్పండి?
ప్రీతి నిగమ్: నేను చేసిన సీరియల్స్ అన్నీ ఒకసారి చూసుకుంటే.. నాకు పేరుతెచ్చిన వాటిల్లో చాలా సీరియల్స్ ఈటీవి నుంచే ఉంటాయి. కస్తూరి సీరియల్లో నెగెటివ్ పాత్ర చేశాను. ఆ తర్వాత వరుసగా అవకాశాలు వచ్చాయి. కావ్యాంజలిలో కూడా మంజుల గారే నన్ను ఎంపిక చేశారు. అణిముత్యాల్లాంటి సీరియల్స్ అన్నిట్లో నేను నటించాను అని గర్వంగా ఫీలవుతా.
సీరియల్స్లో విలన్గా నటించిన మిమ్మల్ని బయట ప్రేక్షకులు ఎలా రిసీవ్ చేసుకుంటారు?
ప్రీతి నిగమ్: సీరియల్లో ఒక పాత్ర సృష్టించాలంటే చాలా టీం వర్క్ చేయాల్సి ఉంటుంది. అన్ని పాత్రల కంటే విలన్ పాత్రల్లో నటించడం చాలా కష్టం. ఒకసారి విజయవాడ హోటల్లో ఆఫీస్ బాయ్ నావైపు ఏదోలా చూశాడు. ఏంటి ఇలా చూస్తున్నాడని మొదట భయపడ్డా. తర్వాత ఎందుకు నన్ను అలా చూస్తున్నావని ఆ అబ్బాయిని అడిగాను. ‘మీరు ఆ సీరియల్లో చేశారు కదా.. మా అమ్మమ్మ రోజూ మిమ్మల్ని తిట్టకుంటుంది’ అని చెప్పాడు. ఒక సారి వైజాగ్ ట్రైన్ ఎక్కితే ఒకావిడ వచ్చి..‘మీరు మా వైజాగ్ రాకండి మా వాళ్లంతా కొడతారు’ అని చెప్పారు. ఇలాంటి సంఘటనలు ఎదురయ్యాయి. వాళ్లు నేను చేసిన పాత్రల్లో అంత లీనమైయ్యారు. వాటిని ప్రశంసలుగా స్వీకరిస్తాను.
వెండితెరకు ఎలా పరిచయమ్యారు?
ప్రీతి నిగమ్: మొదట హిందీ సినిమాలో నటించాను. శ్యాంబెనగల్ గారి దగ్గర పనిచేసే అదృష్టం దక్కింది. బాలీవుడ్లో అంత పెద్ద దర్శకుడి దగ్గర అవకాశం రావడం చాలా గర్వంగా ఉంటుంది. తెలుగులో ‘స్టూడెంట్ నెం.1’ నా మొదటి సినిమా. అమితాబచ్చన్తో కలిసి నటించాలని కోరిక ఉండేది. ఆయనతో కలిసి ఓ సినిమాలో నటించాను. నా కల నెరవేరింది. మేకప్ లేకుండా కూడా చాలా సినిమాల్లో నటించాను.
తెలంగాణ ఉద్యమ సినిమాల్లో నటించే అవకాశం ఎలా వచ్చింది?
ప్రీతి నిగమ్: తెలంగాణ పోరాట సినిమా అనగానే నాకు తెలియని ఉత్సాహం వస్తుంది. అలాగే చాకలి ఐలమ్మ (Chakali Ilamma) పాత్ర.. ఆవిడ ఎంతో గొప్ప వ్యక్తి. అలాంటి పాత్రలో నేను నటించాను. ఆవిడ గురించి పుస్తకాలు చదివి తెలుసుకున్నా. ఇలాంటి పాత్రలన్నీ మనస్ఫూర్తిగా చేస్తాను. నేనైతే అమ్మ పాత్రలు పోషించడానికి కూడా సిద్ధంగా ఉన్నాను. నన్ను బుల్లితెర జయసుధ అంటారు. నిజంగా అదృష్టవంతురాలిని అలాంటి గొప్ప వారితో పోలుస్తున్నారు. మేము నటించిన పాత్రల పేర్లు మీద చీరలు కూడా అమ్మేవారు. స్వప్న శారీస్, హరిత శారీస్ అని (నవ్వుతూ).
మీరు బొట్టుపెట్టుకోవడంలోనూ కొత్తదనాన్ని సృష్టించారు కదా.
ప్రీతి నిగమ్: ఆ విషయంలో ఈటీవీకి థ్యాంక్స్ చెప్పాలి. నాకు బొట్టు పెట్టుకోవడానికి టైం ఇచ్చేవాళ్లు. ఎండమావులు సీరియల్లో రకరకాల డిజైన్లు పెట్టుకున్నా. అవన్నీ నేను గీసుకుని తయారు చేసుకున్నా. మావారితో కలిసి మాయబజార్ సీరియల్లో నటించాను. అందులో శివపార్వతులుగా నటించాం. అప్పుడు నేను ప్రెగ్నెంట్ను. ఈటీవీ2లో న్యూస్ రీడర్గా కూడా చేశాను.
మీ అబ్బాయి గురించి చెప్పండి?
ప్రీతి నిగమ్: తన పేరు ఆర్యన్. సౌత్ నుంచి హాకీ టీంకు తొలి కెప్టెన్గా ఎంపికయ్యాడు. ఆ విషయంలో చాలా గర్వంగా ఫీలవుతా. నన్ను ప్రీతి నిగమ్గా కంటే ఆర్యన్ వాళ్ల అమ్మగా గుర్తిస్తే చాలా ఆనందంగా ఉంటుంది. వాడి కోసం మా వారు జాబ్ మానేశారు. వాడిని పోటీలకు తీసుకెళ్లేవారు. మా వారు నన్ను కూడా చాలా ప్రోత్సహిస్తారు.
మీ డ్రీమ్ రోల్ ఏంటి? యువ నటీనటులకు మీరిచ్చే సలహా ఏంటి?
ప్రీతి నిగమ్: డ్యాన్స్ ప్రాధాన్యం ఉన్న సినిమాల్లో చేయాలని కోరిక ఉంది. అలాగే కామెడీ పాత్రలోనూ నటించాలని ఉంది. ఎవరికైనా నేనిచ్చే సలహా ఒక్కటే.. సహనంతో ఉండాలి. మన వృత్తిని గౌరవించాలి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
ఆ విషయంలో అల్లరి నరేశ్ను పట్టుబట్టా: నాని
నరేశ్ హీరోగా తెరకెక్కిన కామెడీ ఫిల్మ్ ‘ఆ ఒక్కటీ అడక్కు’. ఈ సినిమా ట్రైలర్ ఈవెంట్లో నాని సందడి చేశారు. -
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్