Dasara: ‘దసరా’ సందడిని ముందే తెచ్చిన నాని.. ‘ధూమ్‌ ధామ్‌’తో దుమ్ము రేపుతూ!

నాని హీరోగా కొత్త దర్శకుడు శ్రీకాంత్‌ ఓదెల తెరకెక్కిస్తున్న చిత్రం ‘దసరా’. ఈ సినిమాలోని తొలి గీతం ‘ధూమ్‌ ధామ్‌ దోస్తాన్‌’ను చిత్ర బృందం సోమవారం విడుదల చేసింది.

Published : 03 Oct 2022 17:27 IST

ఇంటర్నెట్‌ డెస్క్: దసరా పండగ సందడిని రెండు రోజుల ముందే తీసుకొచ్చారు నటుడు నాని (Nani). ఈయన హీరోగా నూతన దర్శకుడు శ్రీకాంత్‌ ఓదెల ‘దసరా’ (Dasara) అనే చిత్రాన్ని తెరకెక్కిస్తున్న సంగతి తెలిసిందే. అందులోని తొలిపాట ‘ధూమ్‌ ధామ్‌ దోస్తాన్‌’ (Dhoom Dhaam Dhosthaan) లిరికల్‌ వీడియోను దసరా కానుకగా చిత్ర బృందం సోమవారం విడుదల చేసింది. బొగ్గు గనుల్లో హీరో, అతని స్నేహితుల గ్యాంగ్‌పై చిత్రీకరించిన ఈ దోస్తాన్‌ సాంగ్‌ దుమ్మురేపుతోంది. తెలంగాణ యాసలో సాగుతూ పండగ వాతావరణాన్ని ప్రతిబింబించే ఈ హుషారైన గీతాన్ని కాసర్ల శ్యామ్‌ రచించారు. రాహుల్‌ సిప్లిగంజ్‌, జంగిరెడ్డి ఆలపించారు. సంతోష్‌ నారాయణ్‌ సంగీతం అందించిన ఈ పాటకు ప్రేమ్‌ రక్షిత్‌ నృత్య రీతులు సమకూర్చారు.

సింగరేణి బొగ్గు గనులకి సమీపంలోని ఓ గ్రామం నేపథ్యంలో సాగే కథ ఇది. ఇందులో నాని పూర్తిస్థాయి డీ గ్లామర్‌గా మాస్‌ పాత్రలో కనిపించనున్నారు. ఆయన సరసన కీర్తి సురేశ్‌ నటిస్తోంది. సముద్రఖని, సాయికుమార్‌, జరీనా వహాబ్‌ కీలక పాత్రలు పోషిస్తున్న ఈ పాన్‌ ఇండియా సినిమా వచ్చే ఏడాది మార్చి 30న ప్రేక్షకుల ముందుకు రానుంది.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని