Manchu Vishnu Dilraju: మంచు విష్ణుని కలిసిన దిల్‌రాజు

హైదరాబాద్‌: మూవీ ఆర్టిస్ట్స్‌ అసోసియేషన్‌ ‘మా’ (MAA) అధ్యక్షుడు మంచు విష్ణును (Manchu Vishnu) గురువారం ఉదయం ప్రముఖ టాలీవుడ్‌ నిర్మాత దిల్‌రాజు (Dilraju) కలిశారు. మంచు విష్ణు కార్యాలయానికి వెళ్లిన దిల్‌రాజు ఆయనతో కొద్దిసేపు సమావేశమయ్యారు. తమ సినిమాల్లో ‘మా’ సభ్యులకు ఎక్కువగా అవకాశాలు కల్పించాలని, అలాగే, కొత్తవారు ‘మా’లో భాగమయ్యేలా  ప్రోత్సహించాలని దిల్‌ రాజుని విష్ణు కోరారు. ఈ మేరకు ‘మా’ సంక్షేమ కమిటీ వినతి పత్రాన్ని దిల్‌రాజుకు అందించారు. ‘మా’ సభ్యులకు అవకాశాలు కల్పించాలని కోరుతూ టాలీవుడ్‌ నిర్మాతలను విష్ణు ఇకపై కలవనున్నారు. ఇందులో భాగంగా దిల్‌రాజుతో భేటీ అయ్యారు.