BhagavanthKesari: మేం చెప్పాల్సిన పనిలేదు.. ప్రేక్షకులే చెప్పారు: అనిల్‌ రావిపూడి

ఇంటర్నెట్‌ డెస్క్‌: వరుస విజయాలతో దూసుకెళ్తున్న దర్శకుడు అనిల్‌ రావిపూడి (Anil Ravipudi). ప్రస్తుతం ‘భగవంత్‌ కేసరి’ (BhagavanthKesari) విజయాన్ని ఆస్వాదిస్తున్నారు. ఈ క్రమంలో శుక్రవారం విశాఖపట్నం, రాజమహేంద్రవరం, ఏలూరు, విజయవాడలోని థియేటర్లను సందర్శంచి సంబరాలు చేసుకున్నారు. అనంతరం స్థానిక మీడియాతో ముచ్చటించారు. ‘దసరా బ్లాక్‌బస్టర్‌ మీదేనా?’ అని ఓ విలేకరి ప్రశ్నించగా.. ‘100 శాతం. అది మేం చెప్పాల్సిన పనిలేదు. ప్రేక్షకులే చెప్పారు’ అని సమాధానమిచ్చారు. కలెక్షన్స్‌పై స్పందిస్తూ.. సినిమా ఎంతైతే వసూళ్లు చేస్తుందో ఆ వాస్తవాన్నే ప్రొడక్షన్‌ హౌస్‌ షైన్‌ స్క్రీన్స్‌ చెబుతుందని, ఇతరులు ఇచ్చే రిపోర్ట్‌ గురించి తనకు తెలియదన్నారు. కలెక్షన్స్‌తోపాటు ప్రేక్షకుల ప్రశంసలు అరుదుగా లభిస్తుంటాయని, అది ‘భగవంత్‌ కేసరి’ విషయంలో జరిగిందని ఆనందం వ్యక్తం చేశారు. ఈ విజయాన్ని పూర్తిగా ఆస్వాదించిన తర్వాతే తదుపరి ప్రాజెక్టు గురించి ఆలోచిస్తానని చెప్పారు. ఆయన వెంట నటి శ్రీలీల తదితరులు ఉన్నారు.

ఘనంగా అర్జున్‌ కుమార్తె నిశ్చితార్థం.. ఫొటోలు వైరల్‌

బాలకృష్ణ (Balakrishna) హీరోగా నటించిన భగవంత్‌ కేసరి సినిమాలో శ్రీలీల, కాజల్‌ అగర్వాల్‌, బాలీవుడ్‌ నటుడు అర్జున్‌ రాంపాల్‌ కీలక పాత్రలు పోషించారు. దసరా సందర్భంగా ఈ నెల 19న విడుదలైన సంగతి తెలిసిందే. నేటి స‌మాజానికి చాలా అవ‌స‌ర‌మైన గుడ్ ట‌చ్, బ్యాడ్ ట‌చ్ వంటి కీల‌క‌మైన అంశాన్ని చాటి చెప్పిన చిత్రమిది.