Gaalivaana: డైలాగ్స్‌ లేకుండా ‘గాలివాన’ టీజర్‌..!

హైదరాబాద్‌:  రాధిక, సాయికుమార్‌ ప్రధాన పాత్రల్లో నటించిన చిత్రం ‘గాలివాన’. శరణ్‌ కొప్పిశెట్టి దర్శకుడు. సస్పెన్స్‌, క్రైమ్‌ థ్రిల్లర్‌గా రూపుదిద్దుకున్న ఈ చిత్రం జీ5 ఓటీటీ వేదికగా త్వరలో ప్రేక్షకుల ముందుకు రానుంది. ఈ నేపథ్యంలో తాజాగా ‘గాలివాన’ టీజర్‌ను ఆదివారం ఉదయం విడుదలైంది. క్రైమ్‌ సన్నివేశాలతో ఎంతో ఉత్కంఠగా సాగిన ఈ టీజర్‌లో నటీనటుల మధ్య ఎలాంటి సంభాషణలు చూపించలేదు. కొత్తగా పెళ్లిచేసుకున్న ఓ జంట అనుకోని విధంగా హత్యకు గురి కావడం, దాన్ని ఛేదించే క్రమంలో పోలీసులు ఎలాంటి సవాళ్లు ఎదుర్కొన్నారు? ఇంతకీ ఆ జంటను హత్య చేసింది ఎవరు? ఎందుకు హత్య చేశారు? ఇలాంటి ఎన్నో ఆసక్తికర అంశాలతో ఈ సినిమా రూపుదిద్దుకున్నట్లు టీజర్‌ చూస్తే అర్థమవుతోంది.