bahubali: బాహుబలి నుంచి యానిమేటెడ్‌ సిరీస్‌

ప్రభాస్‌ - రాజమౌళి కలయికలో వచ్చిన విజయవంతమైన చిత్రాల్లో ‘బాహుబలి’ సిరీస్‌ సినిమాలకు ప్రత్యేకమైన క్రేజ్‌ ఉంది. ఇప్పుడీ ‘బాహుబలి’ ఫ్రాంచైజీ నుంచి ఓ యానిమేటెడ్‌ సిరీస్‌ రానుంది. దీనికి ‘బాహుబలి: క్రౌన్‌ ఆఫ్‌ బ్లడ్‌’ అనే టైటిల్‌ను ఖరారు చేశారు. దీని ట్రైలర్‌ను త్వరలో విడుదల చేయనున్నట్లు దర్శకుడు రాజమౌళి మంగళవారం సామాజిక మాధ్యమాల వేదికగా వెల్లడించారు. ‘‘మాహిష్మతి ప్రజలు అతని పేరు జపించినప్పుడు విశ్వంలోని ఏ శక్తి అతన్ని తిరిగి రాకుండా ఆపలేదు’’ అంటూ జక్కన్న తన పోస్ట్‌లో రాసుకొచ్చారు. రాజమౌళి ప్రస్తుతం మహేశ్‌బాబుతో సినిమా చేసేందుకు సన్నాహాలు చేసుకుంటున్నారు. పూర్వ నిర్మాణ పనుల్లో ఉన్న ఈ చిత్రం త్వరలో చిత్రీకరణ ప్రారంభించుకోనుంది.