పావలా, అర్ధరూపాయి అలా ప్రత్యేకం!

ఇంటర్నెట్‌డెస్క్‌: అలనాటి అగ్ర నటుడు అక్కినేని నాగేశ్వరరావు సినిమా రంగంలోకి ప్రవేశించి 25 సంవత్సరాలు పూర్తయిన సందర్భంగా ‘ఆదర్శ కుటుంబం’ (1969) విడుదల చేశారు. ఈ సందర్భంగా ప్రకటనలు కాస్త విభిన్నంగా తయారు చేశారు. ‘రజతోత్సవం’ అని వేస్తూ ఒక వైపు ‘పావలా బిళ్ల’, మరోవైపు అక్కినేని చిత్రాన్ని ముద్రించారు. ఎందుకంటే పావలాపై 25 అంకె ముద్రించి ఉండటంతో అలా రజతోత్సవాన్ని గుర్తు చేసుకున్నారు. అలాగే స్వర్ణోత్సవ చిత్రంగా ‘బంగారు కుటుంబం’ విడుదల చేశారు. ప్రకటనల్లో ‘స్వర్ణోత్సవం’ అని వేస్తూ అర్ధరూపాయి బిళ్ల వేశారు. 50 పైసలు అని ఉంటుంది కదా. పావలా, అర్ధరూపాయి బిళ్లలు అలా విశేషం సంతరించుకున్నాయి.