జ్యోతిక చిత్రంలో చిన్మయి పాట

జ్యోతిక

కోడంబాక్కం: సూర్య నిర్మాణంలోని 2డీ ఎంటర్‌టైన్‌మెంట్‌ బ్యానరుపై జ్యోతిక నటిస్తున్న చిత్రం ‘పొన్‌మగళ్‌ వందాళ్‌’. భాగ్యరాజ్‌, పార్తిబన్‌, త్యాగరాజన్‌, పాండియరాజన్‌, ప్రతాప్‌పోతన్‌లు వంటి సీనియర్‌ నటులు పలువురు ముఖ్యపాత్రలు పోషిస్తున్నారు. జేజే ఫ్రెడరిక్‌ దర్శకత్వం వహిస్తున్నారు. ఇందులో జ్యోతిక న్యాయవాది పాత్ర పోషిస్తోంది. కరోనా సమస్య వల్ల ఈ సినిమా చిత్రీకరణను తాత్కాలికంగా ఆపివేశారు. ఈ నేపథ్యంలో ఈ సినిమాలోని రెండో పాట ‘వాన్‌ తూరల్‌గళ్‌..’ను విడుదల చేశారు. గోవింద్‌ వసంత సంగీతంలోని ఈ పాటకు ఉమాదేవి సాహిత్యం సమకూర్చారు. చిన్మయి పాడారు. పాటకు కూడా మంచి స్పందన వస్తోంది. ఈ సందర్భంగా గాయని చిన్మయికి నటుడు సూర్య కృతజ్ఞతలు తెలిపారు. మహిళా సాధికారతకు సంబంధించిన కథలను మాత్రమే ఎంచుకుని జ్యోతిక నటిస్తోంది. ఆ కోవలోనే ఈ సినిమా కూడా ఉంటుందని సమాచారం.