నిఖిల్‌-పల్లవివర్మల వెడ్డింగ్‌ వీడియో టీజర్‌

హైదరాబాద్‌: యువ కథానాయకుడు నిఖిల్, డాక్టర్‌ పల్లవి వర్మలు వివాహ బంధంతో ఒక్కటైన సంగతి తెలిసిందే. కరోనా విజృంభిస్తున్న నేపథ్యంలో అతి కొద్ది మంది అతిథులు, బంధువుల సమక్షంలో వీరి వివాహం జరిగింది. ఈ సందర్భంగా తీసిన ఫొటోలు, వీడియోలు నిఖిల్‌ అభిమానులు సామాజిక మాధ్యమాల వేదికగా షేర్‌ చేశారు. నూతన వధూవరులకు శుభాకాంక్షలు తెలిపారు. తాజాగా వీరి వివాహానికి సంబంధించిన వెడ్డింగ్‌ టీజర్‌ను విడుదల చేశారు.

‘‘నా వివాహ మహోత్సవానికి మీలో ప్రతి ఒక్కరూ రావాల్సి ఉంది.. కానీ, కొవిడ్‌-19 లాక్‌డౌన్‌ కారణంగా అది కుదరలేదు. అయితే, ఈ వీడియో ద్వారా మీ ఆశీస్సులు, శుభాకాంక్షలు అందించండి. నాకు ఎంతో ఇష్టమైన పాటల్లో ఒకటి బ్యాగ్రౌండ్‌లో వినిపిస్తుంది.’’ -ట్విటర్‌లో అభిమానులను ఉద్దేశించిన నిఖిల్‌

‘ఏమాయ చేసావె’లోని ‘మనసా మళ్లీ మళ్లీ చూశా..’ పాట నేపథ్యంలో సాగే నిఖిల్‌-పల్లవిల వివాహ సంబరాల వీడియోను మీరూ చూసేయండి..