Taapsee: ‘హసీన్ దిల్‌రూబా’ ట్రైల‌ర్ వ‌చ్చేసింది

ఇంటర్నెట్‌ డెస్క్‌:  తాప్సీ ప్ర‌ధాన పాత్ర‌లో తెర‌కెక్కిన చిత్రం ‘హసీన్ దిల్‌రూబా’. వినిల్ మ్యాథ్యూ ద‌ర్శ‌క‌త్వం వ‌హించారు. జులై 2 నుంచి ప్ర‌ముఖ ఓటీటీ నెట్‌ఫ్లిక్స్‌లో స్ట్రీమింగ్ కానుంది. ఈ నేప‌థ్యంలో తాజాగా ట్రైల‌ర్ విడుద‌లైంది. ‘దినేశ్ పండిట్ రాసిన పుస్త‌కాలు చ‌దివావా’ అనే సంభాష‌ణ‌తో ప్రారంభమైన ట్రైల‌ర్ ఆద్యంతం ఆస‌క్తిగా సాగింది. ఓ వైపు తాప్సీ జీవితంలోని విషాదాన్ని చూపించి, మ‌రోవైపు ఆనందాన్ని చూపించిన తీరు అల‌రిస్తోంది. తాప్సీ భ‌ర్త మ‌ర‌ణానికి కార‌ణం ఏంటి? ఆమె జీవితంలోకి రెండో వ్య‌క్తి ఎలా వ‌చ్చాడు? త‌దిత‌ర ప్ర‌శ్న‌ల‌కి స‌మాధానం తెలియాలంటే సినిమా చూడాల్సిందే. ఈ సినిమాలో విక్రాంత్ మాస్సే, హర్షవర్ధన్ రాణే కీలక పాత్రలు పోషించారు. అమిత్ త్రివేది సంగీతం సమకూర్చారు.