Published : 21 Mar 2022 12:37 IST

AlluArjun: చిరంజీవి సమక్షంలో అల్లు అర్జున్‌కు సన్మానం.. వైరల్‌గా మారిన ఫొటోలు

హైదరాబాద్‌: ‘పుష్ప’తో ఘన విజయాన్ని తన ఖాతాలో వేసుకున్నారు ఐకాన్‌స్టార్‌ అల్లుఅర్జున్‌. సుకుమార్‌ దర్శకత్వం వహించిన ఈ చిత్రంతో దక్షిణాదిలోనే కాకుండా బాలీవుడ్‌లోనూ బన్నీ విజయకేతనం ఎగురవేశారు. బాలీవుడ్‌లో ఈ సినిమా రూ.100 కోట్లు కలెక్ట్‌ చేసినట్లు సినీ విశ్లేషకులు అంచనా వేశారు. కాగా, అల్లు అర్జున్‌ సాధించిన విజయం పట్ల ఆయన మావయ్య (స్నేహారెడ్డి తండ్రి) కంచర్ల చంద్రశేఖర్‌ రెడ్డి ఆనందం వ్యక్తం చేశారు. శనివారం సాయంత్రం హైదరాబాద్‌లోని ఓ హోటల్‌లో బన్నీకి సన్మాన కార్యక్రమం నిర్వహించారు. చిరంజీవి ముఖ్య అతిథిగా విచ్చేసిన ఈ కార్యక్రమంలో దర్శకులు హరీశ్‌ శంకర్‌, సుకుమార్‌, త్రివిక్రమ్‌ శ్రీనివాస్‌, గుణశేఖర్‌ పాల్గొన్నారు. దీనికి సంబంధించిన ఫొటోలు ప్రస్తుతం నెట్టింట్లో వైరల్‌గా మారాయి. ఇక, ‘పుష్ప’ విషయానికి వస్తే సుకుమార్‌-బన్నీ కాంబినేషన్‌లో రూపుదిద్దుకున్న హ్యాట్రిక్‌ చిత్రమిది. శేషాచలం అడవుల్లో జరిగే ఎర్రచందనం స్మగ్లింగ్ నేపథ్యంలో ఇది తెరకెక్కింది. రష్మిక కథానాయిక. దేవిశ్రీ ప్రసాద్‌ స్వరాలు అందించారు. మైత్రి మూవీ మేకర్స్‌ ఈ చిత్రాన్ని నిర్మించింది.


Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts