Khiladi: ‘ఖిలాడి’ ట్రైలర్‌ వచ్చేసింది.. రవితేజ యాక్షన్‌ అదిరింది!

ఇంటర్నెట్‌ డెస్క్‌: రవితేజ హీరోగా నటించిన యాక్షన్‌- క్రైమ్‌ చిత్రం ‘ఖిలాడి’. ప్లే స్మార్ట్‌ అనేది ఉపశీర్షిక. రమేష్‌ వర్మ దర్శకుడు. మీనాక్షి చౌదరి, డింపుల్‌ హయాతి కథానాయికలు. ఈ చిత్రం ఫిబ్రవరి 11న ప్రేక్షకుల ముందుకురానుంది. ఈ నేపథ్యంలో చిత్ర బృందం సోమవారం ట్రైలర్‌ను విడుదల చేసింది. రవితేజను ఈ సినిమాలో దర్శకుడు చాలా కొత్తగా చూపించబోతున్నారని ట్రైలర్‌ చూస్తుంటే తెలుస్తోంది. రవితేజ అభిమానులు కోరుకునే అన్ని అంశాలు ఈ సినిమాలో ఉన్నట్టు అర్థమవుతోంది. రవితేజ చెప్పిన సంభాషణలు అందరినీ అలరించేలా ఉన్నాయి. ఈ చిత్రంలో ప్రతినాయకుడిగా అర్జున్‌ కనిపించనున్నారు. కోనేరు సత్యనారాయణ నిర్మించిన ఈ చిత్రానికి దేవిశ్రీ ప్రసాద్‌ సంగీతం అందించారు. ‘వీర’ తర్వాత రవితేజ- రమేష్‌ వర్మ కాంబినేషన్‌లో రూపొందిన చిత్రమిది.