Love Today: ఓటీటీలోకి ‘లవ్‌ టుడే’ తెలుగు వెర్షన్‌ వచ్చేసింది.. స్ట్రీమింగ్‌ ఎక్కడంటే?

ఇంటర్నెట్‌ డెస్క్‌: స్వీయ దర్శకత్వంలో నటుడు ప్రదీప్‌ రంగనాథన్‌ (Pradeep Ranganathan) హీరోగా నటించిన తమిళ చిత్రం ‘లవ్‌ టుడే’ (Love Today). కోలీవుడ్‌లో మంచి విజయాన్ని అందుకున్న ఈ సినిమా తెలుగులో అదే పేరుతో నవంబరు 25న థియేటర్లలో విడుదలై, ఇక్కడా విశేష ప్రేక్షకాదరణ పొందింది. కొన్ని రోజుల క్రితమే ఈ సినిమా తమిళ్‌ వెర్షన్‌ ఓటీటీలోకిరాగా శుక్రవారం తెలుగు వెర్షన్‌ను విడుదల చేసింది ‘నెట్‌ఫ్లిక్స్‌’ సంస్థ. 

ఇదీ కథ: ఐటీ ఉద్యోగి అయిన ఉత్తమ‌న్ ప్రదీప్ (ప్రదీప్ రంగ‌నాథ‌న్‌), నిఖిత (ఇవానా) ప్రేమించుకుంటారు. పెళ్లితో ఒక్కటి కావాలనుకుంటారు. వీరి ప్రేమ విష‌యం నిఖిత ఇంట్లో తెలుస్తుంది. ఆమె తండ్రి శాస్త్రి (స‌త్యరాజ్‌) ఒక‌సారి  ప్రదీప్‌ని ఇంటికి తీసుకుర‌మ్మని చెబుతాడు. ఓ షరతుపై వారి ప్రేమ‌ని అంగీక‌రిస్తాడు. ఒక రోజంతా ఒక‌రి ఫోన్‌ని మ‌రొక‌రు మార్చుకోవాల‌నేది ఆ కండిషన్‌. ఒక‌రి ఫోన్లు మ‌రొక‌రు చూసుకున్నాక కూడా ఆ జంట పెళ్లికి సిద్ధమైందా? త‌న ప్రేయ‌సి ఫోన్లో అబ్బాయిల‌తో సందేశాలు చూశాక ప్రదీప్ ఎలా స్పందించాడు? ప‌్రదీప్ ఫోన్లో యాప్స్‌, ఇత‌ర‌ సందేశాలు చూశాక నిఖిత ప‌రిస్థితి ఏంటి? పెళ్లైందా? లేదా? త‌దిత‌ర విష‌యాలతో మిగ‌తా క‌థ సాగుతుంది.